कोरोना कू कहर जारी, मौत कू आंकड़ा पोंछी 437
देश मा कोरोना कू कहर कम होंडु नाम नि लेणु च. देश मा अब तक 13387 लोखुं मा कोरोना संक्रमण. वखि, 437 लोखुं मौते पुष्टि. हालांकि अब तलक 1749 लोग ठीक होकर अपणु घोर लौटिन.
नाबार्ड, सिडबी और हाउसिंग बैंकों ते 50 हजार करोड़ की मदद
आरबीआई गवर्नर शक्तिकांत दास न देशव्यापी लॉकडाउन का दौरान 25 मार्च का बाद आज देश ते संबोधित करी. अर्थव्यवस्था ते होणु नुकसान पर उन चिंता त जते ही. साथ ही कई घोषणा भी करी. सबसे बड़ी बात उन नाबार्ड, सिडबी और नेशनल हाउसिंग बैंक ते 50,000 करोड़ की मदद कु एलान करी.
सेना प्रमुख- पाकिस्तान कन्नु च आतंक कु निर्यात
पाकिस्तान का ओर से लगातार संघर्ष विराम उल्लंघन पर सेना प्रमुख जनरल एमएम नरवणे कु बयान, भारत दुनियाभर मा कन्नू च दवे कु निर्यात. त वखि, पाकिस्तान आतंक कु निर्यात मा व्यस्त च.
उत्तराखंड मा 3 नया कोरोना मरीज, 40 ह्व़े संख्या
उत्तराखंड मा कोरोना संक्रमण का तीन नया केस. एक सालक मासूम और सैन्य मेहला अधिकारी समेत तीन लोखुं मा कोरोना संक्रमण. द्वी केस देहरादून बटी और एक केस नैनीताल बटी ए समणी. प्रदेश मा कोरोना की कु संख्या ह्व़े 40. वखि, 28 दिन बाद देहरादून स्थित इंदिरा गांधी राष्ट्रीय वन अनुसंधान केंद्र ते खोन्ने तैयारी मा च सरकार. 3 आईएफएस अफसरों मा कोरोना पॉजिटिव का बाद 19 मार्च बटी बंद च एफ़आरआई.
पीएम का मुहिम मा शामिल हव्या सीएम रावत और मंत्री अरविन्द पांडेय
प्रधानमंत्री मोदी न गमछा वली अपनी तस्वीर सोशल मीडिया अकाउंट प्रोफाइल पर शेयर करी छे. इं मुहिम मा शामिल हव्या उत्तराखंड का मुख्यमंत्री त्रिवेन्द्र सिंह रावत और कैबिनेट मंत्री अरविन्द पांडेय. द्वीयोन अपनी फेसबुक प्रोफाइल पर गमछा वली फोटो शेयर करी.
उत्तराखंड सरकार ते 20 अप्रैल का बाद कुछ रियायते उम्मीद
20 अप्रैल बटी उत्तराखंड सरकार एक बार फिर सुरक्षा का साथ हरिद्वार कुम्भ कार्य शुरू करवे सकदी. इं वास्ता हरिद्वार मा कुंभ मेला प्रशासन और उत्तराखंड शासन अपनी रणनीति तैयार कन्न मा लग्यां छिन. उन्ते उम्मीद च कि 20 अप्रैल का बाद केंद्र सरकारे एडवाइजरी मा उन्ते मिल सकदी कुछ छूट.
हल्द्वानी पोंछी पीपीई किटे गुणवत्ता पर उठी सवाल
हल्द्वानी मेडिकल कॉलेज न देहरादूने एक कंपनी से करीब एक हजार पीपीई किट खरीदी छे. जेका बाद किटे गुणवत्ता पर डॉक्टरों मा नाराजगी च. डॉक्टरों का मुताबिक पीपीई किटे गुणवत्ता च काफी खराब. अब जिलाधिकारी न मामला मा जांचक आदेश दे.
सडक हादसा मा एके मौत, दुसरू गम्भीर
ब्याली देर रात राजधानी देहरादून का बसंत विहार इलाका मा एक कार एफआरआई का पास सडक किनरा एक पेड़ से टकरेगी. हादसा मा एक आदिमे मौत और दुसरे हालत गंभीर. घायल ते अस्पताल मा करी गे भर्ती.
बदरीनाथ धाम कपाट खुन्ना वक्त मंदिर परिसर मा 40 लोखुं तके अनुमति
लॉकडाउन का कारण चमोली जिला प्रशासन न बदरीनाथ धाम का कपाट खुन्ना वक्त मंदिर परिसर मा सिर्फ 40 लोखुं तक ही अनुमति दे. इंसे पेहली धाम मा सभी व्यवस्था करे जाली दुरुस्त.
लॉकडाउन का कारण एक न अपनी नौनी शादी करी कैंसिल
टिहरी नगर पालिका परिषद मा राजेंद्र नाम का एक आदमी न अपनी नौनी शादी लॉक डाउन का कारण करी कैंसिल. उन बोली कि पेहली देश च वेका बाद नौनी शादी.
