कोरोना संक्रमितों की संख्या पहुंचि 2900 का पार
भारत मा जारी च कोरोना कू कहर, कोरोना संक्रमितों की संख्या पहुंचि 2900 से अधिक, स्वास्थ्य एवं परिवार कल्याण मंत्रालयन करि आंकड़ा जारी, इलाज का बाद अभीतक 183 लौखु थै अस्पताल बटि दिये ग्या छुट्टी.
कोरोना पीड़ितों मा 1023 लोग तब्लीगी जमात मा ह्वे छाई शामिल
केंद्रीय स्वास्थ्य मंत्रालय का संयुक्त सचिव लव अग्रवालन कोरोना पीड़ितों थै लेकि जारी करिन आंकड़ा, अग्रवाल बोली- अभीतक 29 सौ से अधिक कोरोना संक्रमित मरीजों मा 1023 तब्लीगी जमात का कार्यक्रम मा ह्वे छायी शामिल.
उत्तराखंड मा मिलिन छह और कोरोना पीड़ित, संख्या पहुंचि 22
उत्तराखंड मा भी कोरोना संक्रमितों की संख्या मा ह्वे इजाफा, कोरोना पॉजिटिव का छह नया मामला ऐनि समणि पीड़ितों की संख्या बढ़कर ह्वे 22, धर्मनगरी हरिद्वार कू पेलू मामला, राजस्थान का अलवर मा जमात मा शामिल ह्वेकि 31 मार्च का दिन रुड़की पहुंची छाई युवक.
8 अप्रैल का दिन विपक्ष नेताओं दगणि पीएम करला बात
प्रधानमंत्री नरेंद्र मोदी आठ अप्रैल का दिन सुबेर 11 बजि वीडियो कॉन्फ्रेंसिंग का जरिया विपक्ष का नेताओं दगणि करला बात, केंद्रीय मंत्री प्रह्लाद जोशी दे जानकारी कि विपक्ष का नेताओं दगणि कोरोना महामारी थे लेकि होली चर्चा, ये से पेलि पीएम मोदीन द्वि बार सभी मुख्यमंत्रियों दगणि क बात.
तब्लीगी जमात का लोगों पर राज ठाकरे कू विवादित बयान
महाराष्ट्र नवनिर्माण सेना प्रमुख राज ठाकरे न महिला चिकित्सा कर्मियों दगणि बदसलूकी थै बताई दुर्भाग्यपूर्ण, यन लौखु कू इलाज कन मा भी उठैन सवाल, बोली- जु तबलीगी जमात का सदस्य साजिशम छाई शामिल, उथै मन चैंदी गोली.
कांग्रेसन पीएम मोदी पर साधी निशाना
कांग्रेसन पीएम नरेंद्र मोदी की अपील पर खड़ा किनी सवाल, बोली- दीया जगौण मा इस्तेमाल तेल थै गरीबों करदा वितरित, ज्ञातव्य हो कि पीएम मोदी का तरफा बचि भौल यानी रविवार का दिन रात नौ बजि घौर कि लैट बंद कन और मुमबत्ती, दीया, टॉर्च और मोबाइल प्लेश जगणा की अपील कै छ्या.
36 घंटों मा तैयार ह्वे आइसोलेशन सेंटर
धर्मनगरी हरिद्वारम रिकॉर्ड टाइम मा तैयार किये ग्या आइसोलेशन सेंटर, वेडिंग प्वाइंट मा 36 घंटों का भीतर 40 बेडों कू अस्पताल बणकि ह्वे तैयार, कैबिनेट मंत्री मदन कौशिकन करि आइसोलेशन सेंटर कू उद्घाटन.
चंपावत मा 5000 लोगों थै किये ग्या होम क्वारंटाइन
चंपावत जिला मा 5000 लोगों थै किये ग्या होम क्वारंटाइन, वखि 102 लोगों थे अलग-अलग स्थानों पर क्यूच आइसोलेटेड, जिला मा भैर बटि आण वला लौखु कि हुणि च जांच, लॉक डाउन कू सख्ती से पालन करणा खुण ड्रोन कैमरों से रखि जाणि च नजर
हरकी पैड़ी मा धार्मिक अनुष्ठान 15 दिन बटि बंद
वैश्वक महामारी कू धर्मनगरी हरिद्वार मा दिखेणु च व्यापक असर, तीर्थ पुरोहितों का मुताबिक, इतिहास मा पेली बार 15 दिनों तक हरकी पैड़ी मा धार्मिक अनुष्ठान और कर्मकांड रैनि बंद, श्रद्धालुओं से गुलदार रैण वलि धर्मनगरी मा छईच वीरानी.
सोशल मीडिया मा वायरल वीडियो पर वन विभागक सफै
श्यामपुर कांगड़ी मा हाथी कू सड़कि मा खुलाआम घूमणा कू वीडियो सोशल मीडिया मा हुणू च वायरल, लॉकडाउन का चलदि मनखि अपणा घौरम छिन कैद, वन विभागन वायरल वीडियो थे लेकि दे सफै, डीएफओ आकाश वर्मा न बोली- सितंबर 2019 कू च वीडियो.
