भारतीय नौसेना मां शामिल ह्वै 6 डॉर्नियर विमान
भारतीय नौसेना क बढ़ी ताकत, बेड़ा मा शामिल किए गिन 6 डॉर्नियर विमान, गुजरात का पोरबंदर मां ह्वै कार्यक्रम कू आयोजन.
द्वी सड़क हादसा मां चार की मौत, सात घायल
प्रदेश मां द्वी अलग-अलग सड़क हादसा मां 4 लौखूं की मौत, पैलू हादसा उत्तरकाशी मां ह्वै, बारातियों गाड़ी खाई मां गिन्न से तीन लौखूं की मौत, सात लोग ह्वयां घायल, वखि काशीपुर मां रोडवेज बस की टक्कर मां स्कूटर मां सवार होटल मैनेजर की मौत ह्वगे.
चारधाम श्राइन बोर्डे मंजूरी का बाद प्रदेश मां मचि घमासान
श्राइन बोर्ड का तर्ज पर चार धाम चलौंणा कू त्रिवेंद्र सरकारं लगै मुहर, तीर्थ पुरोहितों कू विरोध ह्वै शुरू, आंदोलनै दी चेतावनी.
हरिद्वार जेल मां फिर मिली मोबाइल
हरिद्वार जेल मां एक बार फिर मोबाइल मिन्न से जेल प्रशासन मां मचि हड़कंप, जेल अधीक्षक अशोक कुमारै आदेश का बाद सिडकुल थाना मां दर्ज ह्वै मुकदमा.
नकली दवै मामला मां नीरज क्लीनिकौ निदेशक गिरफ्तार
ऋषिकेश-हरिद्वार रोड मां स्थित नीरज क्लीनिक मां नकली दवै मामला मां पुलिसै बड़ी कार्रवाई, क्लीनिकौ निदेशक वीके गुप्ता, पूर्व निदेशक श्रीनिवासन गिरफ्तार, फरार क्लीनिकौ प्रेसिडेंट आरके गुप्तै की तलाश शुरू.
ऋषिकेश-कर्णप्रयाग रेल लाइनै कार्य मां तेजी
ऋषिकेश-कर्णप्रयाग रेल लाइन का कार्य मां शुरू ह्वै तेजी, 4 फरवरी बटिं ऋषिकेश रेलवे स्टेशन बटिं शुरू ह्वै जालू काम.
आयकर विभागै निशाना मां अयां हल्द्वानी का 150 बिल्डर्स
हल्द्वानी का बिल्डर्स मां मचि हड़कंप, करीब 150 बिल्डर्स अयां आयकर विभागै निशना मां. हल्द्वानी का बिल्डर्स और मॉल मालिकों तै आयकर विभागन करि चिन्हित.
शुगर मिलै कर्मचारियूं खत्म करि हड़ताल
डोइवला शुगर मिलै कर्मचारियूं वापस लै हड़ताल, तीन दिनों बटिं बैठाया छायि हड़ताल पर, वेतन थे लेकि मिल प्रशासनन कर्मचारियूं थै द आश्वासन.
देवभूमि मां ठंड कू सितम, हर तरफ हिमपात
देवभूमि का पहाड़ी इलाकूं मां हिमपाता कारण बढ़ी ठंड, पर्यटकों कूं औंणू ह्वै शुरू, मौसम विभागन रविवार बटिं जारी करि अलर्ट.
ईटीवी भारतै खबर कू असर, काजल लोधी तै मिलेली सरकारी मदद
ईटीवी भारतै खबर कू बड़ू असर, डोइवलै नौंनी काजल लोधी तै मिली सरकारी मदद, ईटीवी भारतन दिखै छै कि अंतरराष्ट्रीय प्रतियोगिता मां सलेक्ट ह्वै काजल पैसों का तंगी का कारण कन्नी छै परेशानी कू सामना.
