मुख्यमंत्री धामी ना सपत्नीक करिन बाबा केदार का दर्शन: मुख्यमंत्री पुष्कर सिंह धामी ना सत्पनीक केदारनाध धाम पौंचिकि करिन बाबा केदार का दर्शन, जैका बाद मुख्यमंत्री धामी ना पुनर्निर्माणों कार्यों कू भि करि निरीक्षण, वखि मौसम खराब हुणा का चलदा मुख्यमंत्री थै लौटण दफा केदारनाथ धाम मा कन पड़ि इंतजार, 27 अक्टूबर भैया दूज का दिन बंद किये जाला केदारनाथ का कपाट.
मंत्री रेखा आर्य ना हल्द्वानी मा आयोजित कार्यक्रम मा करि शिरकत: हल्द्वानी मा अंतरराष्ट्रीय बालिका दिवस पर किये ग्या एक कार्यक्रम कू आयोजन, ये कार्यक्रम मा बतौर मुख्य अतिथि महिला बाल विकास मंत्री रेखा आर्य ना करि शिरकत, ये मौका पर कैबिनेट मंत्री रेखा आर्य ना महिलाओं और लड़कियों मा वितरित करि पुष्टाहार और सेनेटरी पैड, अपणा संबोधन मा रेखा आर्य ना बोली- महिलाओं थै सशक्त और आत्मनिर्भर बनौण की दिशा में काम कनि च राज्य सरकार.
जेल विकास बोर्ड मा रिवाल्विंग फंड होलु स्थापित: मुख्यमंत्री पुष्कर सिंह धामी ना उत्तराखंड मा जेल विकास बोर्ड मा रिवाल्विंग फंड स्थापित कना की देनि सहमति, साथ ही मुख्यमंत्री धामी ना एक करोड़ रुपया की धनराशि रिवाल्विंग फंड खुण जारी कना का देनि निर्देश, ये फंड की मदद से कैदियों थै स्वरोजगारा खुण दिये जालु प्रोत्साहन, साथ ही जेल विभाग कू होलु आधुनिकीकरण.
30 प्रतिशत आरक्षण मामला मा सुप्रीम कोर्ट मा दायर एसएलपी: उत्तराखंड मा महिलाओं थै 30 प्रतिशत क्षैतिज आरक्षण पर रोका कू मामला पौंचि सुप्रीम कोर्ट, नैनीताल हाईकोर्ट का फैसला थै धामी सरकार ना सुप्रीम कोर्ट मा दै चुनौती. सरकार ना ये मामला मा सुप्रीम मा एसएलपी करि दायर, सीएम धामी ना बोली- उत्तराखंड की मां-बेटियों की हक की लड़ै अब सुप्रीम तक लड़ै जालि.
कॉर्बेट का गर्जिया जोन खुना की एनटीसीए ना दै अनुमति: विश्व प्रसिद्ध जिम कॉर्बेट नेशनल पार्क का गर्जिया जोन थै रिंगोड़ा क्षेत्र से खोले जाणा की राष्ट्रीय बाघ प्राधिकरण ना दै अनुमति, गर्जिया जोन का बंद हुण से पर्यटन से जुड़्या कारोबारियों थै हुणु छाई नुकसान, जैका बाद पार्क प्रशासन ना एनटीसीए से गर्जिया जोन खोले जाणा की मांगी छाई अनुमति. वखि रिंगोड़ा क्षेत्र से गर्जिया जोन खुना पर ग्रामीणों ना जताई आपत्ति.
कैबिनेट मंत्री बहुगुणा थै जेड प्लस सिक्योरिटी की मांग: कैबिनेट मंत्री सौरभ बहुगुणा की हत्या की साजिश कू खुलासा हुणा का बाद बीजेपी कार्यकर्ताओं मा आक्रोश, वखि सितारंगज मा बीजेपी कार्यकर्ताओं ना कैबिनेट मंत्री बहुगुणा थै जेड प्लस सिक्योरिटी प्रदान कना की करि मांग, एसडीएम का माध्यम से सीएम धामी थै सौंपी ज्ञापन.
हरिद्वार से यूपी एटीएस ना द्वि संदिग्धों थै करि गिरफ्तार: मदरसों का सहारे आतंकी नेटवर्क तैयार कन वला द्वि लौखु थै यूपी एटीएस ना हरिद्वार बटि करि गिरफ्तार, गजवा-ए-हिंद आतंकी संगठन से जुड़या छिन हरिद्वार से गिरफ्तार अलीनूर और मुदस्सिर का तार, वखि यूपी एटीएस की कार्रवाई से उत्तराखंड का लोकल इंटिलिजेंस पर भी खड़ा हुणा छिन सवाल, हरिद्वार मा अलर्ट पर पुलिस प्रशासन.
राफ्टिंग का दौरान बंगाल का पर्यटक की मौत: ऋषिकेश मा राफ्टिंग का दौरान ह्वाई दर्दनाक हादसा, गंगा नदी मा पलटी पर्यटकों से भरी राफ्ट, बंगाल बटि ऋषिकेश घुमणा खुण पौंचि छाई 14 सदस्यीय दल, मुनि की रेती से करीब आठ किलोमीटर पेली ह्वाई यू हादसा. ये घटना मा पश्चिम बंगाल निवासी शुभाशीष बर्मन की मौत.
हरिद्वार का बीएचईएल इलाका मा हाथियों कू आतंक: हरिद्वार मा राजाजी टाइगर रिजर्व से सट्या औघोगिक क्षेत्र बीएचईएल मा हाथियों कू आतंक, मंगलवार का दिन हाथी ना सिटी पेट्रोलिंग यूनिट कार्यालय का भैर खड़ी गाड़ियों पर उतारी गुस्सा, कार्यालय का भैर खड़ी गाड़ियों मा करि तोड़फोड़, वखि पुलिसकर्मियों ना शोच मचाण पर वापस जंगल मा लौटी हाथी.
शेरवुड स्कूल मा धूमधाम से मनै ग्याई बिग बी कू जन्मदिन: नैनीताल का शेरवुड कॉलेज मा धूमधाम से मनै ग्या महानायक अमिताभ बच्चन कू 80वों जन्मदिन. ये मौका पर केक काटिकी स्कूल प्रबंधन और बच्चों ना बिग बच्चन की दीर्घायु की करि कामना, शेरवुड कॉलेज नैनीताल से ही ह्वे छाई अमिताभ बच्चन की पढ़ै, कॉलेज प्रिंसिपल ना बच्चों दगणि स्कूल मा बितई अमिताभ बच्चन की यादों थै करि साझा.
