1. ऊर्जा सेक्टर से उत्तराखंड बड्लु आत्मनिर्भर- मुख्यमंत्री धामी: मुख्यमंत्री पुष्कर सिंह धामी ना ऊर्जा विभाग का कार्यक्रम मा करि शिरकत, बोली- उत्तराखंड थै आत्मनिर्भर बनाण मा ऊर्जा सेक्टर कू बहुत बड़ू योगदान, प्रदेश मा जल विद्युत की अपार संभावनाएं , 20,000 मेगावाट बिजली उत्पादन कना की क्षमता रखदु उत्तराखंड. ये मौका पर सीएम धामी ना कई योजनाओं कू भी करि शिलान्यास.
2. उत्तराखंड पौंचिन केंद्रीय मंत्री प्रह्वाद जोशी: केंद्रीय मंत्री प्रह्लाद जोशी पौंचिन उत्तराखंड, जौलीग्रांट एयरपोर्ट पर मुख्यमंत्री धामी ना केंद्रीय मंत्री जोशी कू करि स्वागत, वखि मुख्यमंत्री धामी ना केंद्रीय मंत्री से राज्य से जुड़या विभिन्न मुद्दों और समसामयिक विषयों पर करि बातचीत, ये दौरान कैबिनेट मंत्री सुबोध उनियाल भी रेनि उपस्थित.
3. थल सेनाध्यक्ष ना करिन बाबा केदार और बदरीविशाल का दर्शन: उत्तराखंड की विश्व प्रसिद्ध चारधाम यात्रा अपणा शाबब पर च, अबि तक 19 लाख से ज्यादा तीर्थयात्रियों ना चारों धामों का दर्शन कयिन, वखि आज थल सेनाध्यक्ष जनरल मनोज पांडे ना भि सपरिवार भगवान बदरीविशाल और बाबा केदारनाथ का दर्शन करिन.
4. भारत सरकार ना कैलाश मानसरोवर यात्रा करि रद्द: विश्व की सबसे बड़ी धार्मिक यात्रा मने जाण वलि कैलाश मानसरोवर यात्रा ये साल भी नि होली, वखि कोरोना संक्रमण का चलदा पिछला द्वि साल बटि मानसरोवर यात्रा स्थगित चनि च, हालांकि, इबर दा 12 जून यानी आज बटि कैलाश मानसरोवर यात्रा शुरू ह्वेकि सितंबर तक चलण छाई लेकिन ऐन वक्त पर भारत सरकार ना यात्रा थै रद्द कयालि. यात्रा किले कैंसिल ह्वाई येकू कारण स्पष्ट नि ह्वा अभी.
5. विधानसभा सत्र की तयरी मा जुटी बीजेपी और कांग्रेस: 14 जून से उत्तराखंड विधानसभा सत्र शुरू हुणु च, जै थे लेकि बीजेपी और कांग्रेस द्विया पार्टियों ना अपणि तयरी शुरू कयालि, विधानसभा सत्र का मद्देनजर भौल द्विया पार्टियों ना अपणा-अपणा विधानमंडल दल की बुलई च, ताकि विधानसभा सत्र की तैयारियों पर चर्चा किये जा सके.
6. विहिप केंद्रीय मार्गदर्शक मंडल की बैठक ह्वे समाप्त: विश्व हिंदू परिषद्क केंद्रीय मार्गदर्शक मंडल की द्वि दिवसीय बैठक कू ह्वे समापन, बैठक मा देशभर अयां विहिप का पदाधिकारियों और साधु संतों ना करि शिरकत, वक्ताओं ना बैठक मा कई ज्वलंत मुद्दों पर करि बातचीत, धर्मांतरण, समान नागरिक कानून और मंदिरों थै सरकार का नियंत्रण से भैर रखण जना चार प्रस्ताव बैठक मा ह्वेनि पास.
7. लड़कियों ना मनचले की जूता चप्पलों से करि धुनाई: मसूरी मा लड़कियों से छेड़खानी कन एक युवक थै पड़ी भारी, लड़कियों ना बीच सड़क पर जूता चप्पलों से युवक की करि धुनाई, हंगामा बड़दू देख पुलिस ना करि बीच बचाव, लड़कियों ना बोली- कई दिनों से आरोपी ऊं दगणि कनु छाई बदतमीजी, लड़कियों की शिकायत पर आरोपी युवक का खिलाफ कार्रवाई मा जुटी पुलिस.
8. खेलमंत्री ना ल्याई फुटबॉलर हेमराज कू वीडियो कू संज्ञान: मुनस्यारी का रैण वला फुटबॉलर हेमराज जौहरी का कॉर्नर किक से कयां गोल कू वीडियो सोशल मीडिया मा हुणु च वायरल, खेल मंत्री रेखा आर्य ना वीडियो कू ल्याई संज्ञान, बोली- कमाल की प्रतिभा कू धनी च हेमराज, विभाग की तरफा बटि फुटबॉलर हेमराज की किये जालि हर संभव मदद.
9. वाहन दुर्घटना मा सात लोग घायल: आज सुबेर पौड़ी का बुआखाल-पाबौ मोटर मार्ग पर अनियंत्रित ह्वेकि बोलेरो वाहन ह्वाई दुर्घटना ग्रस्त, हादसा मा वाहन सवार सात लोग ह्वेनि घायल, बतै जाणु च कि गाड़ी कू स्टीयरिंग लॉक हुण कि वजह से यह दुर्घटना ह्वाई, पाबौ बटि सवारी लेकि देहरादून जाणु छाई वाहन, सबि घायलों कू पौड़ी जिला अस्पताल मा चनु च इलाज.
10. पिथौरागढ़ मा चार लौखु की सड़क हादसा मा मौत: पिथौरागढ़ का बेरीनाग मा ह्वाई भीषण सड़क हादसा, पमतोड़ी का पास 100 फीट गहरी खाई मा गिरी कार, दुर्घटना मा कार सवार तीन लौखु ना मौका पर ही तोड़ी दम, एक व्यक्ति की अस्पताल मा इलाज का दौरान मौत, द्वि घायलों कू अस्पताल मा चनु च इलाज. मनु वला सबि एक परिवार का छाई.
