अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

देश मा किसानों का आह्वान पर बुलयां भारत बंद कु देखे व्यापक असर, जगा-जगा किसानों ना केंद्र सरकार का खिलाफ करि प्रदर्शन, सिंधु बॉर्डर पर प्रदर्शन का दौरान एक किसान की मौत. कृषि बिलों थै वापस लिणा की मांग.

उत्तराखंड मा कृषि बिल का खिलाफ विपक्षी दलों कू हल्ला बोल, देहरादून मा भारत बंद का दौरान प्रदर्शन कना कांग्रेसी नेताओं और कार्यकर्ताओं ना बड़ी संख्या मा दे गिरप्तारी.

नैनीताल हाईकोर्ट ना उत्तराखंड का कांग्रेस नेता नवप्रभात समेत अन्य निर्दलीय उम्मीदवारों थै बड़ू झटका दे. हाईकोर्ट ना 2017 का विधानसभा चुनौ मा ईवीएम से छेड़छाड़ वलि याचिका थै करि निरस्त, कोर्ट ना पांच याचिकाओं कू ले संज्ञान.

पहाड़ों की रानी मसूरी मा तीन दिवसीय माउंटेन फेस्टिवल कू आज से आगाज ह्वे गया. कोरोना महामारी का चलदा ईंदा वर्चुअल हुणु च कार्यक्रम, ये फेस्टिवल मा दुनिया भर का जाने-माने 50 से अधिक लेखक, कवि, इतिहासकार, पर्वतारोही, संगीतकार और फोटोग्राफर लिणा छिन भाग.

उत्तराखंड सरकार ना राज्य की बदहाल और निर्माणाधीन सड़क मार्गों खुण 305 करोड़ रुपए कू बजट जारी करि. जैमा 238 करोड़ की लागत से 74 सड़कों कू कायाकल्प होलू और बाकी राशि से 25 निर्माणधीन सड़कों कू निर्माण किये जालु.

उत्तराखंड मा जारी च कोरोना कू कहर, डीजी हेल्थ डॉ. अमिता उप्रेती भी मिलिन कोरोना संक्रमित, एहतियात का तौर पर होम आइसोलेट ह्वेनि डीजी हेल्थ, अभि कुछ दिन पैलि स्वास्थ्य महानिदेशक का पति भी मिला छाई कोरोना पॉजिटिव.

बेरोजगारों थै रोजगार दिना खुण बडयू सेवायोजन विभाग उत्तराखंड का बेरोजगार युवाओं थै रोजगार दिण मा फिसड्डी साबित हुणु च. राज्य बण से अब तक 19 लौखु थै ही मिली सरकारी नौकरी. आरटीआई मा ह्वे खुलासा.

काशीपुर मा युवक दगणि ह्वे लूटा कू पुलिसन 24 घंटा मा खुलासा कैर दया. ये वारादत मा पुलिसन पीड़ित का चचेरे भाई समेत तीन लौखु थे गिरफ्तार करि. आरोपियों का पास से लूट की रकम औ घटना मा प्रयुक्त बाइक भी बरामद.

उत्तराखंड का किसानों खुण राहत भरी खबर च, हिमाचल का अल्लू का बीज की बढ़दि डिमांड से देखि अब कुमाऊं मंडल मा काश्तकारों थै अल्लू का बीज सरकार सब्सिडी मा उपलब्ध करालि, ताकि राज्य मा अल्लू कू उत्पादन बढ़े जा सके.

लंबा इंतजार का बाद आखिरकार केंद्र सरकार ना टिम्मरसैंण महादेव गुफा का दर्शनों खुण इनरलाइन पास की अनिवार्यता थै समाप्त कयाल. अब बिना इनरलाइन पास का आसानी से श्रद्धालु टिम्मरसैंण महादेव गुफा का कैर सकदिन दर्शन.