खबरां पहाड़ां री: जल्द होई सकदी उपचुनाव रे तारीखा री घोषणा, खाईयों पेणे ते व्यक्ति री मौत

(खबरां पहाड़ां री) हिमाचला मंजे जल्द ही उपचुनाव री घोषणा होई सकदी. इत्ता रे संकेत सीएम जयराम ने पच्छाद विधानसभा रे सराहां दौरे रे दौरान दित्ते. उम्मीद जताई जाई करदी की अगले 10 दिनां मंज उपचुनावा रे तारीखा री घोषणा होई सकदी. तुस्सा दस्सी देईये कि हिमाचला मंज धर्मशाला कने पच्छाद मंज उपचुनाव होंणे हाए.

(खबरां पहाड़ां री)

इन्वेस्टर मीट जो लेई कने विपक्षा रे आरोपा पर कैबिनिट मंत्री वीरेंद्र कंवर कित्या पलटवार. मंत्रिए बोलया कि लोकसभा चुनावा मंजे मिलरी हारा ते कांग्रेसी नेता शीर्षासना री अवस्था मंजे आई गरे.

मणिमहेश डल झीला मंज होणे वाले शाही नौंहणा ताए अखाड़ा चंबा ते शोभा यात्रा रविवारा जो रवाना होई गई. तुस्सा दस्सी देईये कि 6 सितंबरा जो मणिमहेशा शाही न्हौंण होंणा.

एचआरटीसी जो 15 नवंबरा तक 100 इलेक्ट्रिक बसां खरीदना पौंणी. परिवहन मंत्री गोविंद ठाकुर दस्सेया कि केंद्र सरकारे आठ जिले वास्ते बसां खरीदने री मंजूरी देईतरी.