बापू री बंदूका ते चली गोली, मुन्नू री मौत

ज्वालाजी च देहरा रे चपलाह पंचायत रे मनाला गांव च बापूं री बंदूका ते गोली लगने ते 24 साल रे इक मुंडू री मौत हो गई. मृतक बापू कने बंदूक लेई ने जंगली जानवरां जो मारने जा दा था. रास्ते च पैर फिसलने रे कारण बंदूक रा ट्रिगर दबोई गया कने गोली गर्दन जाई लगी.

नागरिकता संशोधन एक्ट पर सीएम जयराम ठाकुर ने बोलया कि ये कानून अल्पसंख्यक नागरिकां रे खिलाफ नी आ. ये कानून देश जो एकजुट रखने वास्ते पारित होया.

उद्योग मंत्री बिक्रम सिंह ठाकुर ने दिल्ली च केंद्रीय वित्त मंत्री निर्मला सीतारमण ने कीति मुलाकात हिमाचल रे 58 एनएच रे काम वास्ते मांगे 1400 करोड़.

पुलिस नार्थन रेंज री क्राइम मीटिंग च महिला अपराधां पर होई चर्चा. डीआईजी नॉर्थ रेंज संतोष पटियाल ने पुलिस मुलाजमा जो थाने च आने आले हर फरियादी री गल सुनणे रे दिते निर्देश.

बचत भवन च शहरी विकास विभाग रे निदेशक ने शिमले री नई महापौर सत्या कौंडल कन्ने उप महापौर शैलेंद्र चौहान जो दिलाई पद कन्ने गोपनीयता री शपथ.