राउर भाषा-राउर खबर, भोजपुरी में देखीं दिनभर के हाल

भोजपुरी में फटाफट देखीं बिहार के सगरी बड़हन खबर.

1. आरजेडी नेता चितरंजन गगन कहलन कि सात निश्चय योजना फेल बा. जहवां सीएम समीक्षा करें जा रहल ह उनकरा के विरोध हो रहल बा.

2. दूसर ओरी बाढ़ राहत राशि नइखे मिले से मधुबनी में आक्रोशित महिला सब ने CM के कार्यक्रम में विरोध जताइले.

3. बिल गेट्स सीएम मुख्यमंत्री नीतीश कुमार से मुलाकत कइलन. दूनों लोग के बीच स्वास्थ्य सेवा में बेहतर तालमेल पर चर्चा कइल गइल.

4. मंत्री नंदकिशोर यादव दावा कइलन कि स्वच्छ पानी के आपूर्ति के लेके सरकार प्रतिबद्ध बा.

5. सुशील मोदी के नाम झारखंड चुनाव स्टार प्रचारक सूची से गायब बा. चुनाव सह प्रभारी नंदकिशोर यादव कहलें कि जरुरत पड़ी त सुशील मोदी झारखंड में प्रचार करिहें.

6. पार्टी छोड़ चुकल लोगन तक पहुंचे के पहल RJD कइले बा, इ खातिर सदस्यता अभियान के लेके प्लानिंग हो रहल बा.

7. केंद्रीय मंत्री गिरिराज सिंह एक बार फेर एनआरसी के वकालत कईलन. साथे जनसंख्या नियंत्रण कानून के मांग कईलन.

8. वायरल वीडियो ममला में आरजेडी विधायक सत्यदेव प्रसाद सिंह के खिलाफ FIR दर्ज कईल गईल बा, ए पर विधायक कहलें की फंसावे के साजिश बा.

9. लखीसराय में हाथी पर सवार होई के पप्पू यादव सरकार के खिलाफ जन आंदोलन करे के ऐलान कईलन.

10. बिहार प्रदूषण नियंत्रण बोर्ड मेडिकल कचरा फैलावे वालन पर बड़ कार्रवाई कइलस. आयुर्वेदिक कॉलेज समेत 219 संस्थान के बंद करे के आदेश दिहलस.

11. राजधानी पटना के गांधी मैदान में पुस्तक मेला चल रहल बा. ए में साहित्यकारण के प्रमोट कईल जा रहल बा. पुरान तस्वीर फ्लैक्स पर लगाईल गईल ह.

12. भागलपुर के कहलगांव में एनटीपीसी पदाधिकारी महासंघ के बैनर तले एनटीपीसी के निजीकरण के विरोध में कैंडल मार्च निकलस लोग. नाराज लोग सरकार खिलाफ जमके नारेबाजी कईलस.

13. पटना सिटी बाईपास पर एगो युवक के हत्या कर दिहल गईल बा. ए पर परिजन बाईपास पर तोड़फोड़ कइले अउर कई गो गाड़ियन में आग लगा दिहलस. एएसपी मौका पर पहुंच मोर्चा संभाललन.

14. भागलपुर पुलिस के बड़ कामयाबी मिलल ह. 6 गो अपराधियन के हथियार संगे गिरफ्तार कईल गइल बा.

15. मधेपुरा में लक्ष्मीपुर पंचायत के पूर्व मुखिया पर अपराधियन बमबारी कईलस. इ घटना में पूर्व मुखिया बुरी तरीका से घायल बा. उनकरा इलाज अस्पताल में चल रहल बा.