ઓરીને રોકવા માટે રસીકરણનું મહત્વ

દર વર્ષે 16મી માર્ચના દિવસને ‘મીસલ્સ ઇમ્યુનાઇઝેશન ડે’ તરીકે મનાવવામાં આવે છે. આ દિવસ મનાવવાનો હેતુ આ જીવલેણ બીમારી વીશે જાગૃતિ લાવવાનો છે તેમજ આ બીમારી માટેના રસીકરણના મહત્વને સમજાવવા માટેનો છે. વિશ્વ આરોગ્ય સંસ્થા (WHO)ના કહેવા પ્રમાણે સુરક્ષીત અને ઓછી કીંમતે તેની રસી ઉપલબ્ધ હોવા છતા વિશ્વભરમાં વર્ષ 2018માં ઓરીને કારણે 1,40,000 મૃત્યુ થયા હતા અને તેમાંના મોટા ભાગના મૃત્યુ પાંચ વર્ષથી નાની વયના બાળકોના થયા હતા. ઓરીના રસીકરણના પરીણામે વર્ષ 2000 થી 2018 ની વચ્ચે વિશ્વભરમાં ઓરીના કારણે થતા મૃત્યુમાં 73% જેટલો ઘટાડો થયો છે.

ઓરી એ ભયંકર ચેપી રોગ છે. તે વાયરસના કારણે થાય છે અને તેની કોઈ સારવાર ઉપલબ્ધ નથી. તેનાથી બચવાનો એક માત્ર રસ્તો તેની રસી છે જે સરળતાથી ઉપલબ્ધ પણ છે અને તેની કીંમત પણ ઓછી છે. WHO એ પણ ઉલ્લેખ કર્યો હતો કે 1963માં જ્યારે રસી શોધાઈ અને મોટા પ્રમાણમાં રસીકરણ થયુ તે પહેલા આ રોગચાળો ફેલાયો હતો અને ઓરીના કારણે દર વર્ષે લગભગ 2.6 મીલિયન લોકોના મૃત્યુ થયા હતા. જો કે આ રસીકરણના પરીણામે વર્ષ 2000 થી 2018ની વચ્ચે ઓરીના કારણે થતા મૃત્યુમાં 73%નો ઘટાડો નોંધાયો છે.

ઓરી વીશે કેટલીક વધુ માહિતી

ઓરી એ એક વાયરસથી થતો રોગ છે જે પેરામિક્સોવાયરસ પરીવાર સાથે સંકળાયેલો છે અને જ્યારે ચેપગ્રસ્ત વ્યક્તિને છીંક કે ખાંસી આવે છે ત્યારે તેના દ્વારા તે ફેલાય છે. વાયરસ શ્વસન દ્વારા પ્રવેશ કરે છે અને ત્યાર બાદ ધીરે ધીરે આખા શરીરમાં ફેલાય છે. જે બાળકને રસી આપવામાં નથી આવી તે બાળક અન્ય બાળકોની સરખામણીમાં હાય રીસ્ક પર રહે છે. જો કે જે સગર્ભાને રસી નથી આપવામાં આવી તે અને જે લોકોએ રસી લીધી છે પરંતુ રોગ પ્રતિકારક ક્ષમતા નથી તેને પણ ઓરી થઈ શકે છે.

લક્ષણો