વાપી : વાપી પંથકમાં છેલ્લા ત્રણ દિવસમાં પોલીસ વિભાગના જાહેરનામાનો ભંગ કરનાર સામે કડક કાર્યવાહી હાથ ધરાઈ છે. જે અંતર્ગત વાપી ઉદ્યોગનગર પોલીસ દ્વારા જાહેરનામાનો ભંગ કરનારા 24 વાહન ડિટેઇન કરવામાં આવ્યા છે. જ્યારે ડુંગરા પોલીસ મથકમાં 34 વાહન અને વાપી ટાઉન દ્વારા 27 વાહન ડિટેઇન કર્યા છે. તો, નવ જેટલા વાહનચાલકો દ્વારા પોલીસ સામે બેહૂદું વર્તન કરતાં અને જાહેરનામાનો ભંગ કરવા બદલ 188ની કલમ હેઠળ કાર્યવાહી હાથ ધરવામાં આવી છે.
આ પકડાયેલા તમામ વાહન ચાલકો મુખ્ય રસ્તા પર કોઈ પણ જરૂરી કામ વગર લટાર મારવા નીકળ્યા હોવાથી પોલીસે તેમની વિરુદ્ધ સખત કાર્યવાહી કરવી પડી છે. અને આગામી દિવસોમાં પણ આવી કાર્યવાહી વાપી પંથકમાં કરવામાં આવશે.
