વાપીના ચલા વિસ્તારમાં રહેતી અને દમણની રાધિકા કંપનીમાં આસીસ્ટંટ HR તરીકે ફરજ બજાવતી એક યુવતી મંગળવારે અન્ય કંપનીમાં ઇન્ટરવ્યૂ આપવા માટે ગઇ હતી. આ અંગેની જાણ રાધિકા કંપનીમાં ન થાય તે માટે પરિવાર અને સાથે રહેતા દૂરના મામા થતા ચંદનસિંહ અજયસિંહ રાજપૂતને જણાવ્યું હતું. પરંતુ યુવતી જ્યારે પરત ઘરે ફરી ત્યારે ચંદન સિંગ રાજપૂત તેના મોબાઈલથી કંપનીના અન્ય મિત્રને જણાવી રહ્યા હતા.
તે વાત યુવતી સાંભળી જતા યુવતીએ અને તેમના પિતાએ ચંદનસિંહને ઠપકો આપ્યો હતો. ત્યારબાદ આરોપી યુવતીના રૂમમાં ધુસી યુવતીનું ગળું દબાવી મારી નાખવાનો પ્રયાસ કર્યો હતો. જોકે બૂમાબૂમ કરતાં આરોપી ચંદનસિંહે બાથરૂમમાંથી એસિડની બોટલ લાવી યુવતીના મોઢા ઉપર એટેક કર્યો હતો. જેથી તે ગંભીર રીતે દાઝી ગઈ હતી. જેથી યુવતીને સારવાર અર્થે હોસ્પિટલમાં ખસેડવામાં આવી. જ્યારે એસિડ એટેક કરનાર મામા ચંદન સિંહ આ ઘટનાને અંજામ આપી નાસી છૂટયો હતો.
સમગ્ર ઘટના અંગે હાલ તેમનો પરિવાર હતપ્રભ છે. એસિડ એટેકમાં ભોગ બનનાર યુવતીની બહેને જણાવ્યું હતું કે, હાલમાં પીડિતાની હાલત ગંભીર છે. અમે સારવાર તો કરાવીએ છીંએ પરંતુ પીડિયાનો ચહેરો પહેલાં જેવો કરવા જેટલા રૂપિયા નથી. માટે અમને સરકાર મદદ કરે અને જેણે આ કૃત્ય કર્યું છે તેને સરકાર આકરી સજા કરે જેથી બીજીવાર કોઈપણ વ્યક્તિ એવો હુમલો કરતા પહેલા કાયદાથી ડરે.
જે હોસ્પિટલમાં યુવતીની સારવાર ચાલી રહી છે. તે હોસ્પિટલના ચીફ એડમિનિસ્ટ્રેટીવ ડૉ. હસમુખ લાટાએ જણાવ્યું કે, એસિડ એટેકમાં યુવતીના ચહેરાના, ગાળાના અને છાતીના ભાગે થર્ડ ડીગ્રી બર્ન્સ છે. હાલ ICUમાં સારવાર હેઠળ છે. અમે તેને સતત ઓબ્ઝર્વેશનમાં રાખી ટ્રીટમેન્ટ આપીએ છીએ તેની આંખની નીચેના ભાગે પણ ગંભીર ઇજાઓ છે. ચહેરા પરની રિકવરી તો લાંબી ટ્રિટમેન્ટ બાદ જ જાણી શકાશે.
જયારે સમગ્ર ઘટના અંગે વાપી પોલીસ સ્ટેશનમાં ફરિયાદ નોંધાયા બાદ આ અંગે વલસાડ DYSP મયંકસિંહ ચાવડાએ જણાવ્યું હતું કે, પીડિતાને ન્યાય મળે તે માટે આરોપીને ઝડપવા તાજવીજ હાથ ધરવમાં આવી છે. હાલ આરોપી ફરાર છે.
