વાપીમાં હ્યુન્ડાઇ કારના શો રૂમ ધરાવતા પિયુષ દેસાઈ અને તેમની ટીમે બેન્ક અધિકારીઓ, ગ્રાહકો સાથે ઉપસ્થિત રહી AURA કારનું લોન્ચિંગ કર્યું હતું. આ પ્રસંગે પિયુષ દેસાઈએ જણાવ્યું હતું કે, AURA મિડ સેગમેન્ટ વ્હીકલ છે. જેની સીધી સ્પર્ધા હોન્ડાની સ્વીફ્ટ ડિઝાયર અને અમેઝ સાથે છે. આ કારમાં સરકારના નિયમ મુજબ, યુરો 6 નોર્મ્સ હેઠળનું એન્જીન છે. જે યુરો 6 મોડેલની કંપનીની 2જી કાર છે. વાપીમાં તેનું બુકીંગ શરૂ થઈ ચૂક્યું છે અને 4 ગ્રાહકોએ બુકીંગ કર્યું છે.
આધુનિક સુવિધાઓથી સજ્જ હ્યુન્ડાઇની AURA કાર ઇન્ડિયન માર્કેટમાં થઈ લોન્ચ
કારની ડિઝાઇન અને અન્ય સુવિધાઓની વાત કરતા દેસાઈએ જણાવ્યું હતું કે, આ કારમાં અન્ય કારની સરખામણીએ 24 જેટલી નવતર સુવિધાઓ છે. જે ઇકોનોમી, S, SX અને SX ઓપશનલ સાથે પેટ્રોલ-ડીઝલ એન્જીન, સેફ્ટીની સુવિધા સાથે સજ્જ છે. કારમાં સ્માર્ટફોન વાયરલેસ ચાર્જર, રિવર્સ સેન્સર કેમેરા સહિતની 24 સુવિધાઓ છે.
