માહિતી પ્રમાણે, વડોદરાના વાઘોડીયા વિસ્તારની નાલંદા ટાંકી,મહેશ કોમ્પ્લેક્સ અને આસપાસની સોસાયટીઓ સહિતના વિસ્તારોમાં છેલ્લા કેટલાક સમયથી દૂષિત પાણી આવતા નગરજનોના સ્વાસ્થ્ય પર ખતરો મંડાઇ રહ્યો છે. અવાર નવાર સ્થાનિકો અને સ્થાનિક કાઉન્સિલક દ્વારા રજુઆત કરવામાં આવી છે. તેમ છતાં, કોર્પોરેશનના અધિકારીઓ અને પદાધિકારીઓએ દોડધામ કરી હોવા છતાં પરિસ્થિતિમાં હજુ કોઇ જ ફેર પડયો નથી અને દુષિત પાણી આવી રહ્યું છે. તેના પગલે કેટલાક સ્થળે તો દુર્ગંધ મારતું પાણી પણ આવી રહ્યું હોવાની બૂમો પડી રહી છે.
કે આ મામલે સ્થાનિકો દ્વારા માટલા ફોડી તંત્ર સામે રોષ પણ પ્રગટ કરવામાં આવ્યો હતો. ભર ઉનાળે એક તો ઓછા પાણીનો કકળાટ અને ઉપરથી આવતું દુષિત પાણી જેને પગલે આ વિસ્તારમાં રહેતા લોકો જાયે તો જાયે કહા જેવી પરિસ્થિતીમાં મુકાયા છે. આ અંગે કોર્પોરેશન તત્કાલ પગલા નહીં લાવે તો રોગચાળો ફેલાવાની દહેશત આસપાસના રહીશો દ્વારા કરવામાં આવી રહી છે.
