વડોદરાઃ શહેરમાં SOG ટીમે જીવતા કારતૂસ બનાવતાં યુવકને ઝડપી પાડ્યો છે. તેમજ આરોપીઓ પાસેથી મુદ્દામાલ ઝડપીને ટીમે કાયદેસરની કાર્યાવાહી હાથ ધરી છે. વડોદરા શહેરના મુજમહુડા ખાતે આવેલા પ્રતાપબાગ પાસે એક વ્યક્તિ માઉઝર લઈને ઊભો હોવાની બાતમી વડોદરા SOGને મળી હતી. તેના આધારે પોલીસ ટીમે રેડ પાડીને 27 વર્ષીય આરોપી મનોજને ઝડપી પાડ્યો હતો.
આ યુવક પાસેથી લાયસન્સ વગર બનાવવામાં આવતી દેશી હાથ બનાવટીની માઉઝર (પિસ્ટલ) રૂપિયા 25000 અને AF 7.65ના માર્કાના જીવતા કારતબસના 10 નંગ રૂપિયા 1000 કુલ્લે અને 26000 રૂપિયાનો મુદ્દામાલ ઝડપાયો હતો. આ અંગે પોલીસે તમામ મુદ્દામાલ જપ્ત કરીને પ્રાથમિક તપાસ હાથ ધરી હતી. જેમાં આરોપી મનોજે બડવા જિલ્લાની પાર્સિંગ મંડોળ આર્મ્સ એમ્યુનેશન અને મધ્યપ્રદેશથી એક સરદારજી પાસેથી રૂપિયા 25000નું કારતૂસ ખરીદી લાવ્યો હોવાનું જણાવ્યું હતું. હાલ, પોલીસે આર્મ્સ એક્ટ હેઠળનો ગુનો નોંધી આરોપીની ધરપકડ કરી આગળની તપાસ હાથ ધરી છે.
