તિબેટના વડાપ્રધાન ડો.લોબસંગ સંગાય વડોદરાની મુલાકાતે આવ્યા હતા. વડોદરાના વાધોડીયા ખાતે આવેલા પારૂલ યુનિવર્સિટીમાં વિદ્યાર્થીઓ સાથે વાર્તાલાપ કરી પત્રકારો સાથે વાતચીત કરતા તિબેટના વડાપ્રધાન ડો. લોબસંગ સંગાયએ સુષ્મા સ્વરાજના નિધન પર દુ:ખ વ્યકત કર્યુ હતું. તેમણે જણાવ્યું હતું કે, સુષ્મા સ્વરાજ એક પાવરફુલ વક્તા હતા.
તિબેટના વડાપ્રધાન ડો. લોબસંગ સંગાયએ જણાવ્યું હતુ. કે, હું ગુજરાતમાં પ્રથમવાર આવ્યો છું. તિબેટ પણ અહિંસા અને મહાત્મા ગાંધીના સિધ્ધાંતોને માને છે. ચીનથી ભારત તિબેટની રક્ષા કરી રહ્યો છે. ઈન્ડિયા ચાઈના બોર્ડર પર હજારો ભારતીય સૈનિકો તૈનાત છે અને ભારતના વડાપ્રધાન નરેન્દ્ર મોદી સાહસિક છે. તિબેટમાં 10 નદીઓ પસાર થાય છે, 14 કરોડ લોકો તિબેટની નદીઓ પર આધાર રાખે છે. તિબેટની ચાર સમસ્યા છે તિબેટમાં ચાઈના વિરુદ્ધ દેખાવો કરવાની અનુમતિ નથી મળતી અને તિબેટમાં દેખાવ કરવામાં આવે તો જેલમાં જવું પડે છે. 60 લાખ તિબેટીયનો તિબેટમાં રહે છે, તિબેટ ભારત માટે ખુબ મહત્વનો દેશ છે ભારત સરકારે તિબેટ માટે અવાજ ઉઠાવવો જોઈએ.
