વડોદરામાં પીવાના પાણીની સમસ્યાથી ત્રાહિમામ પોકારી ઉઠેલા રહીશોએ માટલાં ફોડી વિરોધ નોંધાવ્યો

વડોદરામાં પીવાના પાણીની સમસ્યાથી ત્રાહિમામ પોકારી ઉઠેલા ડભોઈ રિંગ રોડ પર આવેલી રાજ નગર સોસાયટીના રહીશોએ માટલાં ફોડી વિરોધ નોંધાવ્યો હતો.

• ડભોઇ રિંગ રોડ પર આવેલી રાજ નગર સોસાયટીમાં પાણીની સમસ્યા
• રજૂઆત કરવામાં આવી છતાં સમસ્યાનું નિરાકરણ નહીં
• મહિલાઓએ માટલાં ફોડી વિરોધ નોંધાવ્યો

વડોદરા: શહેરના ડભોઇ રિંગ રોડ પર આવેલી રાજ નગર સોસાયટીમાં છેલ્લાં ઘણાં સમયથી પાણીની સમસ્યા ઉદભવી છે. આ અંગે વિસ્તારના કાઉન્સેલર વોર્ડ કચેરી ખાતે રજૂઆત કરવામાં આવી હતી. તેમ છતાં સમસ્યાનું નિરાકરણ કરવામાં નહીં આવતાં લોકો મુશ્કેલીમાં મુકાયા છે. કમરતોડ વેરો ભરવા છતાં પાણીની સમસ્યાનું નિરાકરણ કરવામાં નહીં આવતા આ વિસ્તારની મહિલાઓએ માટલાં ફોડી વિરોધ પ્રદર્શન કર્યું હતું.

સમસ્યા નહી ઉકેલાય તો ઉગ્ર આંદોલન કરવાની ચીમકી

172 મકાનોની સોસાયટીમાં પાણીની સમસ્યાને લઈ સ્થાનિક રહીશોની સહનશીલતા ખૂટી પડી હતી. તંત્ર સામે નારાજ મહિલાઓએ વિરોધ નોંધાવી વહેલી તકે સમસ્યાનો ઉકેલ નહીં આવે તો ઉગ્ર આંદોલન કરવાની ચીમકી પણ ઉચ્ચારી હતી.