દેશમાં જમ્મુ કશ્મીરમાં રાષ્ટ્રીય એકતા અને અખંડીતતા માટે બાધારૂપ કલમ 370 તથા 35A કલમોને નાબૂદ કરવાના ઐતિહાસિક નિર્ણયને વધાવવા માટે સંસ્કારી નગરી વડોદરામાં 15 સપ્ટેમ્બરે વડોદરા નાગરિક સમિતિ દ્વારા શ્રીમંત મહારાજા સમરજીતસિંહ ગાયકવાડની આગેવાની હેઠળ એક વિશાળ "ભારત એકતા કુચ"નું આયોજન કરવામાં આવ્યું છે. આ ભવ્ય રેલીને રાજ્યના મુખ્યપ્રધાન વિજય રૂપાણી ફ્લેગ ઓફ કરાવશે.આ વિશાળ એકતા કુચ યાત્રા શહેરના પોલોગ્રાઉન્ડ ખાતેથી શરૂ થઈ શહેરના કીર્તિ સ્તભ, શહિંદ ભગતસિંહ ચોક, અમદાવાદી પોળ તેમજ કોઠી ચાર રસ્તા ખાતે પૂર્ણ થશે.
વડોદરા ખાતે યોજાનાર ભારત એકતા કૂચ યાત્રામાં શહેરના વિવિધ એનજીઓ, ધાર્મિક સસ્થોના સંતો, મહંતો, ધર્મગુરુઓ તેમજ શહેરના વિવધ સંગઠનો અને મંડળો સ્કૂલ કોલેજો સહિત સહિત અંદાજે 25 હજાર લોકો આ યાત્રામાં જોડાશે.આ રેલીમાં 370 મીટર લાંબા રાષ્ટ્ર ધ્વજ પર શહેરીજનો પોતાના હસ્તાક્ષર કરશે, જે આકર્ષણનું કેન્દ્ર બની રહેશે.
