- કોરોનાની બીજી લહેરમાં સુરત કાપડ ઉદ્યોગને દૈનિક 300થી 350 કરોડ રૂપિયાનું નુકસાન
- પડ ઉદ્યોગને કોરોનાના કારણે ફટકો પડયો
- લગ્નસરાની સિઝનમાં મોટું નુકસાન થયું
સુરત : હાલ કોરોના સંક્રમણને કારણે દેશ અને દુનિયા આર્થિક સંકળામણનો ભોગ બન્યો છે, ત્યારે સુરત કાપડ ઉદ્યોગ ( Surat Textile Industry ) સાથે સંકળાયેલા વેપારી દિનેશ કતારિયાએ જણાવ્યું હતું કે, કોરોનાની બીજી લહેર વિશે કોઈએ વિચાર્યું પણ ન હતું. કોરોનાની બીજી લહેરમાં ઉદ્યોગને કરોડો રૂપિયાનું નુકસાન થયું છે. ખાસ કરીને રમઝાન અને લગ્નસરાની સિઝનને લઈ વેપારીઓએ તૈયારીઓ કરી લીધી હતી, પરંતુ સુરત કાપડ ઉદ્યોગ ( Surat Textile Industry )ને દૈનિક 300થી 350 કરોડ રૂપિયાની નુકસાની થઇ રહી છે.
ગત વર્ષે 70 દિવસનું લોકડાઉન હતુ. એ સમયે લોકોને એટલી હદે નુકસાન થયું નથી
સુરત કાપડ ઉદ્યોગ ( Surat Textile Industry ) માટે દિવાળી સિઝન, રમઝાન અને લગ્નસરાની સિઝન ખૂબ જ મહત્વ ધરાવે છે. વર્ષની 25 ટકા ખરીદી આ ત્રણ મહિનામાં થતી હોય છે અને આ સતત બીજુ વર્ષ છે, જ્યારે સુરત કાપડ ઉદ્યોગ ( Surat Textile Industry )ને કોરોનાના કારણે ફટકો પડયો છે. ગત વર્ષે 70 દિવસનું લોકડાઉન હતુ. એ સમયે લોકોને એટલી હદે નુકસાન થયું નથી કારણ કે લોકડાઉન ખુલ્યા બાદ ખરીદી આવી હતી, પરંતુ આ વર્ષે ક્યાંક લોકડાઉન છેસ તો ક્યાંક નથી આવી પરિસ્થિતિને કારણે લગ્નસરાની સિઝનમાં મોટું નુકસાન થયું છે.
ઉદ્યોગ 80 ટકા દેશના ગામડાઓમાં કાપડ પહોંચાડે છે - દિનેશ કટારીયા
દિનેશ કટારીયાએ જણાવ્યું હતું કે, ગત વર્ષે જે લોકડાઉન હતું. તેની અસર સુરત શહેરમાં જોવા મળી હતી, પરંતુ આ વખતે બીજી લહેર ગામડા સુધી પહોંચી ગઈ છે અને ત્યાં પણ લોકડાઉનની પરિસ્થિતિ છે. આ વખતે ગામડામાં અસર થઈ છે. સુરત કાપડ ઉદ્યોગ ( Surat Textile Industry )ની વાત કરવામાં આવે, તો આ ઉદ્યોગ 80 ટકા દેશના ગામડાઓમાં કાપડ પહોંચાડે છે. જ્યારે આ ખરીદી થતી હોય છે, ત્યારે સુરત કાપડ ઉદ્યોગ ( Surat Textile Industry ) દોડવા લાગે છે, પરંતુ આ વખતે ગામડાઓમાં કોરોના વધુ હોવાથી ખરીદી જોવા મળી નથી.
ગ્રાસ રૂટ પર તમામ બજાર શરૂ થશે નહીં, ત્યા સુધી વેપાર શક્ય નથી - દિનેશ કટારીયા
દિનેશ કટારીયાએ જણાવ્યું હતું કે, ગામડામાં કેસ વધતા સુરતના કાપડ ઉદ્યોગ ( Surat Textile Industry ) સાથે સંકળાયેલા જે શ્રમિકો વતન ગયા હતા, તેમને તે ત્યાં જ ફસાઈ ગયા છે. આવી પરિસ્થિતિની સાથે ઉદ્યોગની બિસ્માર હાલતના કારણે શ્રમિકો આવી રહ્યા નથી. અનેક શહેરો છે કે જ્યાં હજૂ પણ લોકડાઉન છે. બીજી બાજુ સંભવિત ત્રીજી લહેર અંગે જે ચર્ચાઓ ચાલી રહી છે, તેના કારણે ઉદ્યોગ કેવી રીતે ચલાવવામાં આવે તે અંગેની પણ વિચારણા ઉદ્યોગકારો કરી રહ્યા છે. જ્યાં સુધી ગ્રાસ રૂટ પર તમામ બજાર શરૂ નહીં થાય ત્યા સુધી વેપાર શક્ય નથી.
આ પણ વાંચો -
- સુરત કાપડ ઉદ્યોગ ( Surat Textile Industry ) દ્વારા મુખ્યપ્રધાન વિજય રૂપાણીને પત્ર લખી 7 દિવસ સંપૂર્ણ લોકડાઉનની માગ કરાઇ
- સંરક્ષણ મંત્રાલયે કાપડ સંબંધિત જરૂરિયાતોની માહિતી ચેમ્બરને મોકલી, સુરત કાપડ ઉદ્યોગ ( Surat Textile Industry ) માટે વિશાળ તકની સંભાવના
- 10 એશિયન અને 6 યુરોપિયન દેશો વચ્ચે ડ્યુુટી ફ્રી વેપારનો કરારઃ સુરત કાપડ ઉદ્યોગ ( Surat Textile Industry )ને નુકસાન થવાની ભીતિ
- ભારત બંધના એલાનમાં સુરત કાપડ ઉદ્યોગ ( Surat Textile Industry ) જોડાયો નથી, ટેક્સટાઇલ માર્કેટ રાબેતા મુજબ ચાલુ રહી
