સુરત : શહેરમાં પાવર લુમ્સનો ઉદ્યોગ ઘણો મોટો છે, અને તેમાં પણ ખાસ કરીને આ ઉદ્યોગ સુરતની ઓળખ સમાન છે. હાલમાં કોરોનાની મહામારીને કારણે સરકાર દ્વારા લોકડાઉન લંબાવવામાં આવ્યું હતું. જેના કારણે સરકારે ઉદ્યોગોને શરતોને આધિન ઉદ્યોગો શરૂ કરવાની પરવાનગી આપી હતી. જેમાં સચિન GIDCમાં આવેલ કેમિકલ,ડાંઇંગ મિલ સહિત પાવર લુમ્સના અમુક યુનિટો શરૂ કરવામાં આવ્યા છે. જેમાં સોશિયલ ડિસ્ટનસિંગ સાથે એક પાળીમાં આ લુમ્સ ચાલી રહ્યા છે.
સોશ્યિલ ડિસ્ટનસિંગ સાથે સચિન GIDCમાં આવેલ કેમિકલ,ડાંઇંગ મિલ સહિત પાવર લુમ્સના અમુક યુનિટો શરૂ
ખાસ કરીને સરકાર દ્વારા નાના ઉદ્યોગો માટે જે જાહેરાત કરવામાં આવી તેને લઈને લુમ્સના કારખાનેદારોમાં એક ખુશી જોવા મળી હતી. આ સાથે જ લોકડાઉનમાં થયેલ નુકસાનમાં એક આશાનું કિરણ તેમને દેખાયું હતું. તેઓએ સરકારનો આભાર વ્યક્ત કર્યો હતો. જો કે, લુમ્સના ઘણા ઉદ્યોગકારોએ પણ પોતાના લુમ્સ શરૂ કરવાની કાર્યવાહી શરૂ કરી દીધી છે.
