સુરતના ડિંડોલી વિસ્તારમાં કિશોરીને સહારો આપનાર જ દુષ્કર્મી (Rape Case in Surat) નીકળ્યાનો કેસ સામે આવી રહ્યો છે. આ ઘટનાની ડિંડોલી પોલીસને જાણ થતાં પોલીસ કાર્યવાહી હાથ ધરી હતી. જેમાં ત્રણ જેટલા નરાધમોએ માસૂસ કિશોરી સાથે બળજબરી કરી શારીરિક સંબંધ બાંધ્યા હતા.
મિત્રો દ્વારા જ ગેગરેપ કરવામાં આવ્યું
સુરતમાં ગેંગરેપની ઘટના (Gagrap in Surat) સામે આવતા પોલીસ દોડતી થઇ ગઇ હતી. સુરત ચીખલીથી ભાગીને મિત્ર સાથે સુરત આવેલી કિશોરી પર SMC આવાસના બંધ મકાનમાં ગેંગ રેપની ઘટના સામે આવતા ડીંડોલી પોલીસ દોડતી થઈ હતી. એટલું જ નહીં પણ પોલીસે ગણતરીના કલાકોમાં ત્રણેય રેપિસ્ટને પકડી આગળની તપાસ હાથ ધરી છે.
કિશોરી પર બળજબરી કરી શારીરિક સંબંધ બાંધ્યા
ડીંડોલી PSIએ કે.બી દેસાઈએ જણાવ્યું હતું કે, દોઢ વર્ષ પહેલાં એટલે કે 15 વર્ષની ઉંમરે કિશોરીના લગ્નને લઈ માતા અને માસા-માસીએ દબાણ કરતા કિશોરી ઘર છોડી ભાગી ગઈ હતી. આ કિશોરી સુરજસિંગ નામના યુવાન સાથે સુરત ભાગી આવી હતી. ત્યારબાદ બન્ને અલગ અલગ જગ્યાઓ પર રહેતા હતા. જોકે દાનત બગાડતા સુરજસિંગએ કિશોરી પર બળજબરી કરી શારીરિક સંબંધ (Rape in Dindoli area of Surat) બાંધ્યા હતા. પછી અવાર નવાર કિશોરીને પોતાની વાસનાનો ભોગ બનાવ્યો હતો.
એક અઠવાડિયા પેહલા કિશોરી સાથે મારઝૂડ કરતા કિશોરી ઘર છોડી ચાલી ગઈ હતી
વધુમાં જણાવ્યું હતું કે, રૂમ બદલતા સુરજસિંગનો સંપર્ક બીજા બે જણ સાથે થયો હતો. ઘરે અવરજવર રહેતા બન્ને મિત્રોની નજર કિશોરી એ જોઈને બગડી હતી. જેને લઈ સુરજ સિંગના બન્ને મિત્રો થોડા સમય પહેલા 16 વર્ષીય કિશોરીને SMC આવાસના એક બંધ મકાનમાં લઈ ગયા હતા. બાદ જબરજસ્તીથી શારીરિક સંબંધ બાંધ્યા હતા. જેનો વિરોધ કરતા સૂરજે કિશોરી સાથે મારઝૂડ કરતા કિશોરી ઘર છોડી ચાલી ગઈ હતી.
આ પણ વાંચો: Vadodara Rape Suicide Case: વડોદરાની OASIS સંસ્થાના બે સંચાલકો અને એક મેન્ટર સામે ગુનો નોંધાયો
કિશોરી માટે ફનીચરના દુકાનદાર સહારો બન્યો
આ કિશોરી રખડતી હાલતમાં જોઈને એક ફનીચરની દુકાન ધરાવતા સંજયભાઈને મળી આવી હતી. તેમણે કિશોરીને સહારો આપી પોતાની દુકાનમાં કામ પર રાખી લીધી હતી. જોકે આ બાબતની જાણ સુરજસિંગને થઈ જતા સંજયભાઈના ઘરે કિશોરીને મળવા આવતા તમામ હકીકત બહાર આવી હતી. જેને લઈ સંજયભાઈની મદદથી કિશોરીએ ન્યાય માટે પોલીસના દ્વાર ખખડાવતા પોલીસે ત્રણ નરાધમ વિરુદ્ધ ગુનો (Rape Crime Case in Surat) નોંધ્યો હતો.
આ પણ વાંચોઃ Rape case In surat: સુરતમાં દુષ્કર્મ આચર્યાનો કેસ આવ્યો સામે, આરોપીની કરાઇ ધરપકડ
