સુરતના ધારાસભ્યની ખુલ્લી દાદાગીરી, કહ્યું 'ટાટિયા તોડી નાખીશ'

સુરત : ગુજરાતમાં વધુ એક ધારાસભ્ય વિવાદમાં ફસાયા છે. આજે સુરતના મજુરા વિસ્તારના ધારાસભ્ય હર્ષ સંઘવી સિવિલ હોસ્પિટલની મુલાકાતે પહોંચ્યા હતા. આ સમય દરમિયાન તેમના ધ્યાનમાં ગરબડી જોવા મળી હતી. જેને કારણે તેમનો ગુસ્સો સાતમા આસમાન પર પહોંચી ગયો હતો. તેમણે કોન્ટ્રાક્ટરને ખુલ્લી ધમકી આપીને કહ્યું કે, હવે બરાબર કામ નહીં કરે તો તારા ટાંટિયા તોડી નાખીશ.

આજે ધારાસભ્ય હર્ષ સંઘવી સવાર સવારમાં સુરતની સિવિલ હોસ્પિટલની સરપ્રાઇઝ વિઝીટ પર આવ્યા હતા. ત્યારે એમના ધ્યાનમાં ઘણી બધી ગરબડી જોવા મળી હતી. જેમાં AC બરાબર ચાલતું ન હતું. જેમની તેમણે અગાઉ પણ કોન્ટ્રાક્ટરને ચેતવણી આપી હતી એવું એમનું કહેવું છે.

આ અંગે પહેલા જાણ કરવા છતા પણ કોન્ટ્રાક્ટરે એમની વાત પર ધ્યાન નહીં આપતા હર્ષ સંઘવીનો ગુસ્સો સાતમા આસમાને પહોંચી ગયો હતો. તેમણે ખરેખર તો કોન્ટ્રાક્ટરને કાયદાકીય પગલાં લેવાના બદલે ખુલ્લેઆમ લોકોની સામે ટાંટિયા તોડી નાખવાની ધમકી આપી દીધી હતી.