સુરત : અઠવાલાઇન્સ ખાતે આવેલી એમટીબી કોલેજમાં તેમજ અન્ય કોલેજોમાં ટોલટેક્સ બચાવ સંઘર્ષ સમિતિ દ્વારા વિધાર્થીઓને પત્રિકા વિતરણ કરવામાં આવી હતી. આ પત્રિકામાં આપવામાં આવેલ સરકારના પ્રતિનિધોઓના સંપર્ક નંબર પર કોલ કરી સ્થાનિક વાહન ચાલકોને ટોલ ટેક્સમાંથી મુક્તિ આપવાની માગ અને રજુઆત કરવામાં આવે તેવી અપીલ વિધાર્થીઓ પાસે કરી હતી.
ભાટિયા ટોલનાકા
ટોલટેક્સ સમિતિની આ લડતમાં બારડોલી અને સુરત જિલ્લાના મોટાભાગના ગામડાઓ તેમજ અલગ-અલગ સંસ્થાઓ દ્વારા સંપૂર્ણ ટેકો જાહેર કરવામાં આવ્યો છે. અત્રે ઉલ્લેખનીય છે કે, આ અંગે સુરતના મેયરને પણ આવેદનપત્ર આપી રજુઆત કરવામાં આવી છે. જ્યાં મેયરે સરકારના પ્રધાનો સમક્ષ આ રજુઆત મૂકવાની હૈયા ધરપત આપી છે.
