સાબરકાંઠામાં 2 સપ્તાહ બાદ વરસાદ આવતાં ખેડૂતોમાં ખુશીની લહેર

સાંબરકાંઠા જિલ્લામાં આ વર્ષે સૌથી વધારે મગફળીનું વાવેતર થયું છે. ત્યારે સમયસર વરસાદ ન આવતા ખેડૂતોને ચિંતા સતાવી રહી હતી. તે ચિંતાનુ નિવારણ થયું છે. શુક્રવારે વરસાદ આવતા ખેડૂતોમાં ખુશીનો માહોલ સર્જાયો હતો.

સાબરકાંઠા: ગુજરાતમાં આ વર્ષે રેકોર્ડબ્રેક મગફળીનું વાવેતર થયું છે. જોકે સાબરકાંઠા જિલ્લામાં 10 દિવસથી વધારે સમયથી વરસાદ નહીં આવતા ખેડૂતોના જીવ તાળવે ચોંટ્યા હતા. જો કે શુક્રવારે અસહ્ય ગરમીમાં વરસાદ આવતા ખેડૂતોમાં ખુશીનો માહોલ સર્જાયો હતો.

સાબરકાંઠામાં 2 સપ્તાહ બાદ વરસાદ આવતાં ખેડૂતોમાં ખુશીની લહેર

સામાન્ય રીતે મગફળીના પાક માટે ભારે વરસાદની જરૂરિયાત રહેતી હોય છે. જોકે ક્યારેક ક્યારેક વધારે લાંબા સમય સુધી વરસાદ ન આવતા ખેડૂતો માટે ભારે મુશ્કેલીનો સામનો કરવો પડતો હોય છે. આ વર્ષે શરૂઆતમાં ખેતીલાયક વરસાદ 10 દિવસ સુધી ન આવતા મગફળીના વાવેતર કરનારા ખેડૂતોમાં ચિંતાનો માહોલ સર્જાયો હતો. જોકે આજે સાંજના સમયે અસહ્ય ઉકળાટ બાદ વરસાદી માહોલ સર્જાયો હતો. જેના પગલે હવે મગફળીના વાવેતરને આજના વરસાદથી નવજીવન મળ્યું છે.