ધોરાજી પંથકમાં વરસાદથી ખેતરોમાં પાણી ભરાયા

રાજકોટઃ ધોરાજી, જામકંડોરણા, ઉપલેટા, જેતપુરમાં બપોર બાદ અચાનક વાતાવરણમાં પલ્ટો આવ્યો હતો. ધોરાજીમાં ભારે પવન અને ગાજ વીજ સાથે ધોધમાર વરસાદ વરસ્યો હતો. બે થી અઢી ઇંચ વરસાદ પડતા રસ્તાઓ પર અને ખેતરોમાં પાણી ભરાયા હતાં.

જિલ્લામાં ફરી એકવાર વરસાદી માહોલ જામ્યો છે જેમાં બપોર બાદ જેતપુર અને જામકંડોરણામાં અચાનક વાતાવરણમાં પલ્ટો આવતા વરસાદ પડ્યો હતો. વરસાદથી ખેડૂતોની મુશ્કેલી વધી છે. ધોરાજી પંથકમાં મગફળી અને કપાસના પાકને વ્યાપક પ્રમાણમાં નુકસાન પહોંચ્યું છે.