રાજકોટઃ શહેરની સૌરાષ્ટ્ર યુનિવર્સિટીમાં શારીરિક અને માનસિક ત્રાસ આપતા હોવાને લઇને પૂર્વ વિદ્યાર્થીનીએ આરોપ લગાવતા યુુનિવર્સિટી ફરી વિવાદમાં આવી છે, યુવતિએ કહ્યુ કે, મારો અભ્યાસ મારે અધવચ્ચે જ મુકવો પડ્યો હતો. જ્યારે પ્રોફેસર દ્વારા રાતના સમયે ફોન કરવામાં આવતા હતા અને M.P.E.dમાં ગોલ્ડ મેડલ પણ આપવાની લાલચ આપવામાં આવી હતી. હાલ આ મામલે યુનિવર્સિટીના કુલપતિએ તપાસ શરૂ હોવાનું અને જવાબદાર સામે કાર્યવાહી કરવાનું જણાવ્યું હતું.
મહત્વનું છે કે સૌરાષ્ટ્ર યુનિવર્સિટી આ પહેલા પણ વિવાદોમાં ફસાઇ ચુકી છે. તેમાં સૌરાષ્ટ્ર યુનિવર્સિટી સમાજશાસ્ત્ર ભવનના ડો. હરેશ ઝાલાના મામલે સિન્ડિકેટની બેઠકમાં મહત્વપૂર્ણ નિર્ણય લેવામાં આવ્યા હતો. સમાજશાસ્ત્રના એચઓડી ડો. હરેશ ઝાલનો પીએચ.ડી.ની વિદ્યાર્થીની સાથે બિભત્સ વાતો કરતો ઓડિયો વાયરલ થયો હતો. જે મામલે સૌરાષ્ટ્ર યુનિવર્સિટી ડો. હરેશ વિરુદ્ધ પોલીસ ફરિયાદ નોંધવમાં આવી હતી.
