રાજકોટ સહિત સૌરાષ્ટ્રભરના યાર્ડ બંધ, કરોડોનો વ્યવહાર ઠપ્પ

રાજકોટઃ જિલ્લા સહિત સૌરાષ્ટ્રના મોટાભાગના માર્કેટિંગ યાર્ડ છેલ્લા બે દિવસથી બંધ છે. ખાસ કેન્દ્ર સરકાર દ્વારા આ વર્ષના બજેટમાં રૂપિયા 1 કરોડના વ્યવહાર પર 2 ટકા TDS લાગુ કરવાની જાહેરાત કરવામાં આવી છે. જેનો રાજકોટ સહિત રાજ્યના મોટાભાગના માર્કેટિંગ યાર્ડના ખેડૂતો અને વેપારીઓ વિરોધ કરી રહ્યા છે. રાજકોટ યાર્ડ પણ છેલ્લા બે દિવસથી બંધ છે. તેમજ રાજ્યના અન્ય યાર્ડના વિરોધને સમર્થન આપી રહ્યું છે. જેને લઈને માર્કેટિંગ યાર્ડમાં રોજબરોજના થતો કરોડો રૂપિયાનો વ્યવહાર બંધ છે.

રાજકોટ માર્કેટીંગ યાર્ડ બંધ છે. માર્કેટિંગ યાર્ડના વેપારી એસોસિએશનનો ચેરમેન અતુલ કમાણી સાથે સમગ્ર મામલે વાતચીત કરવામાં આવતા તમને જણાવ્યું હતું કે, હજુ પણ સરકારના નિયમ સાથે ખેડૂતો અને વેપારીઓને સમસ્યા જણાઈ રહી છે. વિરોધના ભાગ રૂપે બંધ પાડવામાં આવ્યું છે. ઉલ્લેખનીય છે કે, રાજકોટ જિલ્લાના ગોંડલ અને જસદણ યાર્ડ આ બંધમાં જોડાયા નથી.