રાજકોટઃ પ્રાપ્ત વિગત મુજબ જસદણના કડૂકા ગામે રહેતા કોળી જીવરાજભાઈ પ્રેમજીભાઈ બેરાણી ઉંમર વર્ષ 30 બેરાણી પરીવારમાં લગ્નની જાનમાં પોતાનું બાઇક લઇ કલોરાણા ગામે ગયા હતા, ત્યાંથી શનિવારે સાંજે પોતાના ગામ કડુકા તરફ ત્રિપલ સવારીમાં પરત આવતા હતા, ત્યારે ફોરવહીલ કારે બાઈકને અડફેટે લેતા તેમનું ઘટનાસ્થળે મૃત્યુ થયું હતું.
તેમની પાછળ બેઠેલા હિરેનભાઈ સોલંકી અને કિશનભાઇ સોલંકી બન્નેને ગંભીર ઈજા થતાં તેમને જસદણ પ્રાથમિક સારવાર આપી વધુ સારવાર અર્થે રાજકોટ ખસેડવામાં આવ્યા હતા અને વધુ તપાસ જસદણ તાલુકાના પોલીસે હાથ ધરી હતી.
