પોરબંદરના ખાપટ રોડ આવેલા નાગદેવતાનું મંદિરમાં અવારનવાર સામાજિક કાર્યો થતા હોય છે ત્યારે આ મંદિર નજીક પડેલી ખુલ્લી જગ્યામાં ચાર-પાંચ દિવસથી અજાણ્યા શખ્સોએ કોઈપણ જાતની પરવાનગી કે સંમતિ લીધા વગર કાચી દિવાલ બનાવેલ છે અને આ દીવાલ બનાવવાથી મંદિરમાં આવતા દર્શનાર્થીઓ તથા બાળકોને રમવા માટે મળતી ખુલ્લી જગ્યા પણ બંધ થયેલ હોય જેથી ખોટી રીતે બિનજરૂરી દિવાલ બનાવેલ છે.
આથી આ અંગે જરૂરી ખરાઈ કરી દિવાલ બનાવેલ જેને તાત્કાલિક ધોરણે દૂર કરવા હુકમ કરવા નગરપાલિકાના ચીફ ઓફિસરને શિવસેનાના પ્રમુખે તારીખ 23-5-2019ના રોજ જણાવ્યું હતું અને પાલિકા દ્વારા ત્યાં 24 કલાકમાં દિવાલ હટાવવાની નોટિસ પણ પાઠવી હતી પરંતુ, ઘણા દિવસ વિત્યા બાદ પણ દિવાલ હટાવાઈ નથી જેથી શિવસેનાના પ્રમુખ અને કાર્યકરોએ ઇન્ચાર્જ ચીફ ઓફિસર રાજુ શેખને આવેદન પત્ર પાઠવ્યું હતું અને જો કામગીરી કરવામાં નહીં આવે તો શિવસેના દ્વારા ઉગ્ર આંદોલન કરવાની ચીમકી પણ સેનાના પ્રમુખ રાજુભાઈ ઓડેદરાએ આપી હતી.
