પોરબંદરઃ પોરબંદર ઉદ્યોગનગર જી.આઇ.ડી.સી. વિસ્તારમાં કામ કરતા રાજસ્થાનના 155 જેટલા શ્રમિકોને જિલ્લા વહીવટી તંત્રનાં માર્ગદર્શન હેઠળ 3 બસમાં ઉદયપુર રવાના કરાયા હતા.
પોરબંદરમાંં કામ કરતાં રાજસ્થાનના 155 જેટલા મજૂરોને પોતાના વતન પરત મોકલવામાં આવ્યા હતા. આ તકે શ્રમિકોએ ગુજરાત રાજ્ય સરકાર તથા પોરબંદર જિલ્લા વહીવટી તંત્રનો આભાર વ્યક્ત કર્યો હતો. હાલ કોરોના મહામારીના કારણે સમગ્ર દેશમાં લોકડાઉનની સ્થિતિ છે. જેથી વિભિન્ન રાજયોના મજૂરો વિવિધ રાજ્યોમાં ફસાયા છે.
ત્યારે ધંધા રોજગાર માટે પોતાના વતનથી દૂર નોકરી કરતા શ્રમિકો, કર્મચારીઓ સહિતના પરપ્રાંતિયો પોતાના વતનમાં જઇ શકે તે માટે રાજ્ય સરકારના માર્ગદર્શન હેઠળ પોરબંદર જિલ્લા વહીવટી તંત્ર દ્રારા રાજસ્થાનના 155 શ્રમિકોને 3 બસ મારફત વતન જવા માટેની વ્યવસ્થા કરાઇ હતી.
