વિસનગર ખાતે એક જ દિવસે 2 સ્થળે બ્લડ ડોનેશન કેમ્પ યોજાયા

મહેસાણાઃ વિસનગર ખાતે એક જ દિવસે 2 સ્થળે બ્લડ ડોનેશન કેમ્પ યોજાયા હતા. એક સ્થળે ડોક્ટરોએ તો બીજા સ્થળે સામાજિક લોકોએ રક્તદાન કર્યુ હતુ. વિસનગરના IMA એસોસિએશન દ્વારા પ્રતિ વર્ષે રક્ત દાન યોજવામાં આવે છે.

ભારત એ વિવિધતામાં એકતા ધરાવતું એક માત્ર વિશ્વમાં સર્વ શ્રેષ્ઠ રાષ્ટ્ર છે, જેમાં અનેક ધર્મ જ્ઞાતિ જાતિના લોકો રહે છે. સેવા કાર્યનું આજે વિસનગર શહેરમાં આયોજન કરાતા તબીબોએ પોતે પણ રક્તદાન કર્યું છે.

વિસનગર શહેર ખાતે આજે એક જ દિવસે 2 જુદા જુદા સ્થળે રક્તદાન શિબિરનું આયોજન કરવામાં આવ્યું હતું. જેમાં IMA દ્વારા કરાયેલ રક્તદાન શિબિરમાં વિસનગરના તબીબો અને તેમના પરિવારજનો સહિત મિત્ર વર્તુળના લોકોએ આવી રક્તદાન કર્યું હતું. છેલ્લા 2 વર્ષથી તબીબો આ રક્તદાન શિબિર થકી અત્યાર સુધી 400 યુનિટ ઉપરાંતનું રક્ત એકત્ર કરી જરૂરિયાત મંદો અને બ્લડ બેંકો સુધી મોકલી આપી જીવન બચાવી માણસને મદદરૂપ થવાનું ઉત્તમ કાર્ય કરવામાં આવી રહ્યું છે.

બીજી તરફ વિસનગર બ્લડ બેન્ક ખાતે માથુર વૈશ્ય ગુપ્તા સમાજ દ્વારા પણ રક્તદાન શિબિરનું આયોજન કરવામાં આવ્યું હતું. જેમાં ગુપ્તા સમાજના લોકોએ મોટી સંખ્યામાં હાજરી આપી રક્તદાન શિબિરમાં લગભગ 100 યુનિટ રક્તદાન કરી માનવતાનો ધર્મ નિભાવ્યો હતો. આમ આજે વિસનગરના આંગણે 2 વિવિધ રક્તદાન શિબિરમાં કુલ 400 યુનિટ જેટલું રક્ત એકત્ર કરવામાં આવ્યું છે.