હાલોલમાં 4 નવી 108 એમ્બ્યુલન્સનું લોકાપર્ણ

પંચમહાલઃ જિલ્લાના હાલોલ ખાતે આવેલી રેફરલ હોસ્પિટલમાં ચાર 108 એમ્બ્યુલન્સનું લોકાર્પણ હાલોલના ધારાસભ્ય અને રાજ્યપ્રધાન જયદ્રથસિંહ પરમારના હસ્તે કરવામાં આવ્યું હતું.

હાલોલ ખાતે અગાઉ બે 108 એમ્બ્યુલન્સ ઉપલબ્ધ હતી, જ્યારે રવિવારના રોજ નવી 4 એમ્બ્યુલન્સનું લોકાર્પણ થતા લાભાર્થીઓને વધુ સુવિધાનો લાભ મળશે. જયદ્રથસિંહ પરમારે ધાર્મિક પૂજાવિધિ બાદ લોકાપર્ણ કરાયેલી 4 એમ્બ્યુલન્સને ઝંડી ફરકાવી પ્રસ્થાન કરાવ્યું હતું. જ્યારે વિશેષ સુવિધા યુકત લાઇફકેર એમ્બ્યુલન્સમાં દર્દી માટે ઇન્સ્ટન્ટ વેન્ટિલેટર કાર્ડિયોગ્રામ સહિત ઓક્સિજનની સુવિધાઓ મળી રહેશે.

આ પ્રસંગે 108 વિભાગના મનવીર ડાંગર હાલોલ રેફરલ હોસ્પિટલના ડૉ. ઉદય પ્રકાશ, ડો. સિંહા, સહિત અન્ય સ્થાનિક અને રાજકીય આગેવાનો ઉપસ્થિત રહ્યા હતા.