મહીસાગર: જિલ્લામાં છેલ્લા દસ દિવસથી કોરોનાના કેસની સંખ્યામાં ઉત્તરોતર વધારો જોવા મળી રહ્યો હતો. જોકે આજે જીલ્લામાં એકપણ કેસ નોંધાયો નથી અને આજે 23 દર્દીઓ સાજા થતાં આરોગ્ય વિભાગે રાહત અનુભવી છે.
મહીસાગર જીલ્લામાં અત્યાર સુધીમાં 424 કેસમાંથી 281 દર્દીઓ સાજા થઇ ચૂક્યા છે. મહીસાગર જીલ્લામાં હાલમાં કોરોનાના 117 દર્દીઓ સારવાર હેઠળ છે. અત્યાર સુધી જિલ્લામાં 9,392 વ્યક્તિઓના રિપોર્ટ નેગેટિવ આવ્યા છે તેમજ 495 વ્યક્તિઓ હોમ કોરોન્ટાઈનમાં રાખવામાં આવ્યા છે. અત્યાર સુધીમાં જિલ્લામાં કુલ 26 મૃત્યુ નોંધાયા છે.
જીલ્લામાં કોરોના પોઝીટીવના કારણે 29 દર્દીઓ બાલાસિનોરની (કોવિડ-19) કે.એસ.પી. હોસ્પિટલ ખાતે તેમજ 85 દર્દીઓ જીલ્લા બહાર સારવાર હેઠળ છે. કોરોના પોઝિટિવ આવેલા દર્દીઓ પૈકી 112 દર્દીઓ સ્ટેબલ અને 5 દર્દીઓ ઓક્સિજન પર છે.
