બાલાસિનોર તાલુકાના રૈયોલી ગામે 8 જૂનથી આજદીન સુધી પર્યટકોનો ભારે ધસારો જાવા મળ્યો હતો જેમાં 12 વર્ષથી મોટી ઉંમરના 68,252 પર્યટકો અને 12 વર્ષથી નાની ઉંમરના 23,389 બાળકોનો સમાવેશ થાય છે. 6 માસમાં 91,654 પર્યટકોએ મુલાકાત લીધી હતી. મોટી ઉંમરના વ્યક્તિઓના પચાસ રૂપિયા અને 12 વર્ષથી નાના ઉંમરના બાળકની ટીકીટ દર 20 રૂપિયા રાખવામાં આવેલ છે. જેથી કુલ મળીને મ્યુઝિયમની રુપિયા 38.74 લાખની આવક થઈ છે.
dinosaur park
અત્રે ઉલ્લેખનીય છે કે, હાલ રૈયોલી મ્યુઝિયમ ખાતે નાની રેસ્ટોરેન્ટ ચાલી રહી છે. આ ઉપરાંત દિવાળી તહેવારના વેકેશન દરમિયાન પ્રવાસીઓની સંખ્યામાં ધરખમ વધારો જોવા મળ્યો છે અને પ્રવાસીઓએ ડાયનાસોર પાર્કનો લ્હાવો લીધો હતો. ઉપરાંત અબાલવૃધ્ધ જ્ઞાન સાથે ડાયનાસોર વિશેની ઉત્સુકતાથી જાણકારી પણ મેળવી હતી.
