કચ્છ: મંગળવારે કોરાના વાઇરસના સાત નવા પોઝિટિવ કેસ નોંધાયા છે. જ્યારે ગાંધીધામના ભારતનગરમાં રહેતા 61 વર્ષીય વૃદ્ધનું કોરોનાથી મોત નિપજ્યું છે. જેથી કોરોનાના કારણે મૃત્યુનો આંક 12 પર પહોંચ્યો છે.
ગાંધીધામ-અંજારમાં પાંચ કોરોના પોઝિટિવ કેસ આવ્યા છે અને ભુજની અદાણી હોસ્પિટલનો યુવક અને મુંદરા તાલુકાના બારોઇ ગામની મહિલા સહિત કુલ સાત પોઝિટિવ કેસ નોંધાયા છે. જ્યારે નવ દર્દીઓ સ્વસ્થ થઈ જતા તેમને રજા આપવામાં આવી છે. તેમજ ગાંધીધામના 61 વર્ષિય દર્દી ભગવાનજીભાઇ ગઈકાલે બપોરે વાગ્યે તાવ, ઉધરસ, કફ અને શ્વાસ લેવાની તકલીફની ફરિયાદ સાથે જી.કે. જનરલ હોસ્પિટલમાં દાખલ થયા બાદ તેઓનું કોરોના પરીક્ષણ કરવામાં આવ્યું હતું.
ડાયાબિટીસ અને હૃદયની બીમારીથી પીડિત દર્દીનું ગણતરી સમયમાંજ તેમનું મોત થયું હતું. જેથી ગાંધીધામ સંકુલમાં બે માસ દરમ્યાન કોરોનાથી આ ત્રીજું મોત છે. જેથી કચ્છમાં એક્ટિવ કેસ 77 છે. કુલ 168 લોકોને રજા આપવામાં આવી છે. જ્યારે કોરોના પોઝિટિવ દર્દીઓનો આંકડો 256 છે.જ્યારે 12 લોકોના મોત નિપજ્યા છે.
