- ભચાઉના નેર ગામમાં દલિતો પર થયેલ હુમલાનો મામલો
- પૂર્વ કચ્છ પોલીસ દ્વારા વધુ 10 આરોપીઓને પકડવામાં આવ્યા
- અગાઉ 5 આરોપીઓને પકડવામાં આવ્યા હતા
કચ્છઃ ભચાઉ તાલુકાના નેર ગામમાં( village of Ner) રામ મંદિરમાં દર્શન મુદ્દે હુમલો (Attack on Darshan issue at Ram temple)કરનારા વધુ 10 આરોપીઓ ઝડપાયા છે. જિલ્લાના ભચાઉ તાલુકાના નેર ગામમાં રામ મંદિરમાં દર્શન માટે પ્રવેશ કરવા બદલ થોડાક દિવસો અગાઉ દલિત પરિવાર પર થયેલાં ઘાતક હુમલાની ઘટનાની બની હતી જે ચર્ચા સમગ્ર રાજ્યમાં થઈ રહી છે. જેમાં દલિત સમાજના લોકોમાં પણ ભારે રોષની લાગણી ફેલાઈ ગઈ છે. આ ગુનામાં પૂર્વ કચ્છ પોલીસ દ્વારા વધુ 10 આરોપીઓની ધરપકડ કરવામાં આવી છે.
અનુસુચિત જાતિના લોકો પર હુમલાના આરોપી ઝડપાયા
ભચાઉ તાલુકાના નેર ગામમાં અનુસુચીત જાતીના લોકો ઉપર થયેલ હુમલામાં ભચાઉ પોર્લોસ સ્ટેશન ખાતે (1) ગુ.૨.નં.0456/2021 ઈ.પી.કો કલમ 307, 323, 324, 452, 120(બી), 506(2) વિ. તથા હથીયાર ધારા કલમ 25(1-બી)(એ), તથા એટ્રોસીટી એક્ટ કલમ 3(1)(આર), વિ. તથા (2) ગુ.ર.નં.0466/2021 ઈ.પી.કો કલમ 307, 395, 397, 120(બી), 323, 324, 341, 506(2), વિ. તથા હથીયાર ધારા કલમ 25(1-બી)(એ), તથા એટ્રોસીટી એક્ટ કલમ 3(1)(આર), વિ. તથા જી.પી.એક્ટ કલમ 135 મુજબ આ ગુનામાં બાકી રહેતા આરોપીઓને પકડી પાડવા પોલીસ દ્વારા અલગ અલગ ટીમો બનાવવામાં આવી હતી.
પોલીસની અલગ અલગ ટીમો બનવવામાં આવી
ભચાઉ Dysp કે.જી. ઝાલાની સૂચના અને માર્ગદર્શનથી ભચાઉ પોલીસ સ્ટેશન, લોકલ ક્રાઈમ બ્રાન્ચ પૂર્વ કચ્છ, ગાંધીધામ તથા એસ.ઓ.જી પૂર્વ કચ્છ ગાંધીધામ ની અલગ અલગ ટીમોના અધિકારીઓ તથા સ્ટાફ દ્વારા અગાઉ 5 આરોપીઓ ને પકડવામાં આવેલ છે.આ ઉપરાંત કોમ્બીંગ કાર્યવાહી દરમિયાન ટેકનીકલ સર્વેલન્સ તથા હ્યુમન સોર્સિસના આધારે પૂર્વ કચ્છ પોલીસ દ્વારા આ ગુનામાં સંડોવાયેલ વધુ 10 આરોપીઓને પકડવામાં આવ્યા હતા અને તેમની સામે કાયદેસરની કાર્યવાહી હાથ ધરવામાં આવી હતી.
પકડાયેલ આરોપીઓ
(1) કેશરાભાઈ સોમાભાઈ રબારી
(2) અરજણભાઈ ભગુભાઈ રબારી
(3) દિનેશ જયરામભાઈ મારાજ
(4) રાજેશ રામજીભાઈ મારાજ
(5) વેલા ભચાભાઈ આહિર
(6) દિનેશ રામજીભાઈ મારાજ
(7) સવાભાઈ વાલાભાઈ કોલી
(8) ચોડાભાઈ વાલાભાઈ કોલે
(9) નવઘણભાઈ ગોકળભાઈ કોલી
(10) મોમાયા મંગાભાઈ કોલી
20 આરોપીઓ પૈકી 15 આરોપીઓ ઝડપાયા
ભચાઉ પોલીસ સ્ટેશનમાં 20 આરોપીઓ સામે આ હુમલા અંગે ફરિયાદ નોંધાઈ હતી. જે પૈકી શુક્રવારે 5 આરોપીઓ ઝડપાયા હતા ત્યારે ગઈ કાલે વધુ 10 આરોપીઓ ઝડપાતાં મોટા ભાગના આરોપીઓની પોલીસ દ્વારા ધરપકડ કરવામાં આવી છે.
આ પણ વાંચોઃ રાજકોટના સ્લમ વિસ્તારોમાં 45 દીનદયાળ ઔષધાલય શરૂ કરાયા
આ પણ વાંચોઃ પાટણ જિલ્લા પંચાયત ખાતે સામાન્ય સભાની બેઠક, વિરોધ પક્ષનો હોબાળો
