શ્રાવણ માસ શરૂ થવાના ગણતરીના દિવસો બાકી છે, ત્યારે ભગવાન શિવ પ્રત્યે પોતાની આસ્થા બતાવવતા અજય દેવગણ ટી-શર્ટ અને શોર્ટસ પહેરીને મંદિરના ગર્ભગૃહમાં બેસીને શિવજીની પૂજા-અર્ચના કરી હતી.
મંદિરના મહંત વિજયગિરિ ગોસ્વામીએ આ પૂજા-વિધિ કરાવી હતી. ફિલ્મના પ્રોડક્શન યુનિટ સાથે સ્થાનિક સંકળાયેલા યોગેશભાઈ બોક્સાએ અજય દેવગણને આ મંદિર વિશે વાત કરી હતી. જેથી બપોરે અજયે સામેથી તેમને ફોન કરી મંદિરના દર્શન કરવાની ઈચ્છા વ્યક્ત કરી હતી. પૂજાવિધિ બાદ દેવગણે પૂજારી અને ભાવિકગણ સાથે ફોટો પડાવ્યો હતો
તેમજ અજય દેવગણ મંદિરના દર્શને આવતા ચાહકો દેવગણની ઝલક નિહાળવા ઉમટી પડ્યાં હતા. શોર્ટસ પહેરીને મંદિરમાં બેઠેલાં દેવગણની તસવીરો સોશિયલ મિડિયામાં વહેતી થતાં કેટલાંક લોકોએ દેવગણના વસ્ત્રપરિધાન અંગે પણ ટિપ્પણીઓ કરી હતી.
