વડતાલ ગાદીના આચાર્ય રાકેશપ્રસાદ મહારાજના આશિર્વાદ અને વડતાલ મેનેજિંગ ટ્રસ્ટી બૉર્ડના ચેરમેન દેવપ્રકાશ સ્વામીની પ્રેરણાથી પવિત્ર શ્રાવણ માસ નિમિત્તે વડતાલ તાબાના ' વડતાલધામ સ્વામિનારાયણ મંદિર ' બ્રિસબેન ઓસ્ટ્રેલિયા ખાતે સુંદર અને કલાત્મક હિંડોળાનું આયોજન કરવામાં આવ્યું છે. જેમાં ધર્મભાવના સાથે રાષ્ટ્રભાવના ઉજાગર કરવામાં આવી રહી છે.
NRI ભાવિકો આ હિંડોળા દર્શનનો હોંશે હોંશે લાભ લઇ રહ્યા છે. આ વડતાલાધામ મંદિરમાં ભારતીય રાષ્ટ્રીય તહેવારોની ઉજવણી પણ થાય છે. સ્વતંત્રતા દિનની ઉજવણીનું પણ સુંદર આયોજન થયું હતું. આ બધું આયોજન ધોલેરાધામના મહંત રામકૃષ્ણ સ્વામીના સેવક જીતેનભાઈ પટેલ સંભાળી રહ્યા છે અને બાળકોમાં રાષ્ટ્રભાવના સાથે સંસ્કાર નિરુપણ કરી રહ્યા છે.
