નડિયાદઃ ખેડા જીલ્લામાં છેલ્લા 24 કલાકમાં કોરોનાના 2 દર્દીના મોત થયા છે. જ્યારે વધુ એક કોરોનાનો પોઝિટિવ કેસ નોંધાયો છે. આ સાથે જ જીલ્લામાં કોરોનાના કુલ કેસનો આંક 55 પર પહોંચ્યો છે.
ખેડા જીલ્લામાં કોરોનાના નવા કેસો સામે આવી રહ્યા છે. જેને લઈ કુલ કેસોનો આંક પણ વધી રહ્યો છે. છેલ્લા 24 કલાકમાં જીલ્લામાં નડીયાદના એક પુરૂષ અને મહેમદાવાદના એક મહિલા કોરોના દર્દીનું મોત થયું છે. જ્યારે રઢુ ગામમાં કોરોનાનો નવો એક કેસ સામે આવ્યો છે. જીલ્લામાં કોરોનાના કુલ 55 કેસ થયાં છે.
મહત્વનું છે કે, હાલ લોકડાઉન 4 માં જીલ્લામાં વિવિધ છુટછાટો આપવામાં આવી રહી છે. ત્યારે જાણે ગ્રહણ ટાણે સાપ નીકળે તેમ એક પછી એક કેસો સામે આવતા કોરોનાના કેસોમાં વધારો થઈ રહ્યો છે.
