ખેડામાં કોરોનાના કેસમાં વધારો નોંધાતા તંત્ર આવ્યું હરકતમાં

ખેડા જિલ્લામાં કોરોના સંક્રમણમાં સતત વધારો થઈ રહ્યો છે. દિનપ્રતિદિન દર્દીઓની સંખ્યા ચિંતાજનક રીતે વધી રહી છે. જેને લઈને તંત્ર દ્વારા જીલ્લામાં કાર્યવાહી સઘન બનાવવામાં આવી છે.

• રોજના 1,500 કોરોના ટેસ્ટના સેમ્પલ લેવાઈ રહ્યા છે
• સપ્તાહમાં નડીયાદમાં 125થી વધુ કેસ નોધાયા
• 14 ખાનગી હોસ્પિટલોને 160 બેડમાં દર્દીઓને દાખલ કરવાની મંજૂરી આપવામાં આવી

ખેડાઃ છેલ્લા દસ દિવસથી જિલ્લામાં વધી રહેલા કોરોના કેસોને પગલે તંત્ર દ્વારા કાર્યવાહી કરવામાં આવી છે. કન્ટેન્ટમેન્ટ ઝોનનો ચુસ્ત અમલ, સારવાર માટે હોસ્પિટલ તેમજ બેડની સુવિધાઓ વધારવાની તથા લોકોમાં જાગૃતિ લાવવા માટેની કામગીરી શરૂ કરવામાં આવી છે. ઉપરાંત જીલ્લામાં હાલ આરોગ્ય કેન્દ્રો પર રસીકરણની કામગીરી પણ ચાલી કહી છે. સેમ્પલની સંખ્યા પણ વધારી દેવામાં આવી છે. રોજના 1500 સેમ્પલ લેવામાં આવી રહ્યા છે. 14 ખાનગી હોસ્પિટલોને 160 બેડમાં દર્દીઓને દાખલ કરવાની મંજૂરી આપવામાં આવી છે.

સપ્તાહમાં નડીયાદમાં 125થી વધુ કેસ નોધાયા

આ પણ વાંચોઃ ખેડામાં કોરોના પોઝિટિવ કેસમાં વધારો, નવા 24 કેસ નોંધાયા

જિલ્લામાં છેલ્લા કેટલાક દિવસોથી કોરોનાના કેસમાં વધારો નોંધાયો

નડીયાદ સહિત ખેડા જિલ્લામાં છેલ્લા કેટલાક દિવસોથી કોરોનાના કેસમાં વધારો નોંધાયો છે. દરરોજ પોઝિટિવ કેસોની સંખ્યા વધી રહી છે. નડિયાદ શહેરમાં સંક્રમણના વધતા કેસ ચિંતાજનક છે. છેલ્લા એક સપ્તાહમાં ફક્ત નડિયાદ શહેરમાં જ કોરોનાએ 125નો આંક વટાવી દીધો છે.

આ પણ વાંચોઃ ખેડા જિલ્લાનાં કલેક્ટર અને ડીડીઓએ વેક્સિન લેવા છતાં કોરોના પોઝિટિવ