પાણીની પાઇપ લાઇનમાં ભંગાણ થતા શહેરીજનોને મોડા પાણી મળે તેવી શક્યતા

જૂનાગઢઃ જૂનાગઢ કેશોદમાં પાણીની પાઈપલાઈન તૂટતા હજારો લીટર પાણીનો વેડફાટ થવાથી શહેરીજનોને 2 દિવસ મોડા પાણીનું વિતરણ થાય તેવી શક્યતા છે.

કેશોદના એસટી બસ સ્ટેન્ડ નજીક પાઈપ લાઈન તૂટતાં હજારો લીટર પાણીનો વેડફાળ થયો છે. કેશોદવાસીઓને પીવાનું પૂરતું પાણી નથી મળતું અને એક બાજુ પાણી વેડફાઈ રહ્યાના દ્રશ્યો સર્જાયા હતા.પાણીની રેલમછેલ જોવા મળી હતી

PWDના અધિકારીને અડધા ચોમાસે પ્રિ-મોન્સુનની કામગીરી યાદ આવતા પુલની કામગીરી શરૂ હોવાથી પાણીની પાઈપ લાઈન તૂટી હોવાનું શહેરીજનોમાં ચર્ચાઈ રહ્યું છે. સતત પાણી વહી રહ્યું હોવા છતાં અડધો કલાક બાદ પણ કોઈ અધિકારી પાણી બંધ કરવા ફરક્યું ન હતું. PWDની પ્રિ-મોન્સુનની કામગીરીમાં પાણીની પાઇપ લાઈન તૂટી જતા કેશોદવાસીઓને આશરે 2 દિવસ બાદ પીવાનુ પાણી મળશે એવી ચર્ચા શહેરીજનોમાં થઇ છે.