જામનગરઃ કોરોના સંક્રમણનો ભોગ બનેલા અનેક દર્દીઓને જામનગરની જી જી હોસ્પિટલમાં બનેલા કોવિડ હોસ્પિટલમાં સારવાર આપવામાં આવી રહી છે. જેમાંથી આજે છ દર્દીઓ સ્વસ્થ થઈ જતા ડિસ્ચાર્જ કરવામાં આવ્યા છે. અત્યારે 22 જેટલા દર્દીઓ કોવિડ હોસ્પિટલમાં સારવાર લઈ રહયા છે. સાજા થયેલા દર્દીઓમાં પાંચ દર્દી જામનગરના રહેવાસી છે, તો એક દર્દી દેવભૂમિ દ્વારકાના રહીશ છે.
જામનગરની કોવિડ હોસ્પિટલમાંથી વધુ છ દર્દી ડિસ્ચાર્જ થયા હોસ્પિટલમાં છેલ્લા ત્રણ દિવસથી સ્વસ્થ થતા દર્દીઓને ડિસ્ચાર્જ કરવામાં આવી રહ્યા છે. અત્યાર સુધીમાં કોઈ હોસ્પિટલમાંથી 11 લોકોને ડિસ્ચાર્જ કરવામાં આવ્યા છે.અન્ય શહેરની સરખામણીમાં જામનગરમાં હાલ કોરોનાના દર્દીઓની સંખ્યા ઓછી છે. તેમજ જામનગરની હોસ્પિટલમાં નિષ્ણાત ડોકટરો દ્વારા કોરોના સંક્રમણના ભોગ બનેલા દર્દીઓને ઉત્તમ સારવાર આપવામાં આવી રહી છે. જેના કારણે મોટાભાગના દર્દીઓ સ્વસ્થ થઇ ડિસ્ચાર્જ કરવામાં આવી રહ્યા છે.
