જામનગરઃ ચાલુ વર્ષે જામનગર જિલ્લામાં ખરીફ પાકોની વાવણી મોડી થયેલ હોવાથી ખરીફ પાકો જેવા કે કપાસ તથા મગફળીને પાણી આપવાની જરૂર ઉભી થયેલ છે. ખેડુતો પોતાના કુવા, બોર, તળાવ, ચેકડેમના પાણીનો ઉપયોગ પિયત માટે કરી રહ્યા છે.
સારા ચોમાસાના કારણે પાણીનો પુરતો જથ્થો ઉપલ્બધ છે, ત્યારે ખેડુતોને 8 કલાકને બદલે 12 કલાક જેટલો વિજ પુરવઠો આપવામાં આવે તો ખુબ જ ઉપયોગી થાય તેમ છે. રાજયમાં ઉર્જા છેત્રે ખુબ સારી પરિસ્થિતિ છે. જેથી ખેડુતોને 4 કલાક વધુ વિજ પુરવઠો આપવામાં આવે તો ખરીફ પાકોને પિયત માટે ઉપયોગી થાય તેમ છે. જેને લઈને ઉર્જા પ્રધાન સૌરભભાઈ પટેલને ખેડુતોને 4 કલાક વધુ વિજ પુરવઠો આપવા ધારાસભ્ય રાઘવજીભાઈ પટેલએ રજૂઆત કરી છે.
