જામનગરમાં શિવરાત્રી નિમિત્તે બેડેશ્વર મહાદેવ મંદિરમાં ઘીની મહાપૂજાનું આયોજન

આજના મહાશિવરાત્રિના પાવનપર્વ પર રાજ્યભરમાં મહાદેવ મંદિરોમાં વિવિધ પૂજનયજન થઈ રહ્યાં છે. ત્યારે જામનગરના બેડેશ્વર મહાદેવમાં વિશેષ ઘી મહાપૂજાનું આયોજન કરવામાં આવ્યું હતું. આ મંદિર સાથે મહાત્મા ગાંધીના સંસ્મરણો પણ જોડાયેલાં છે.

જામનગરઃ જામનગરના બેડેશ્વર મહાદેવ મંદિરમાં શિવરાત્રી નિમિત્તે ઘીની મહાપૂજા કરવામાં આવી છે. ઐતિહાસિક બેડેશ્વર મહાદેવ મંદિર સાથે મહાત્મા ગાંધીનો જૂનો નાતો છે.મહાત્મા ગાંધીની 150મી જન્મ જ્યંતિની દેશભરમાં ઉજવણી થઈ રહી છે ત્યારે બેડેશ્વર મહાદેવ મંદિર સાથે મહાત્મા ગાંધીના સંસ્મરણોને યાદ કરવામાં આવ્યાં હતાં.

આઝાદીની ચળવળ વખતે મહાત્મા ગાંધીએ બેડેશ્વર મહાદેવ મંદિરમાં રાત્રિરોકાણ કર્યું હતું. સાડા પાંચસો વર્ષ જૂના બેડેશ્વર મંદિરમાં દર વર્ષે ધૂમધામથી મહાશિવરાત્રિનું આયોજન કરવામાં આવે છે.આજે દેશભરમાં મહાશિવરાત્રિની ભવ્ય ઉજવણી કરવામાં આવી રહી છે ત્યારે જામનગરમાં 530 વર્ષ જૂના બેડેશ્વર મંદિરમાં પણ અનોખી રીતે મહાદેવની ઘીની મહાપૂજા કરવામાં આવી છે