જામનગર પોલીસે 6 લાખનો વિદેશી દારૂ ઝડપી પાડયો

જામનગરના તમામ પોલીસ સ્ટેશનમાં છેલ્લા 10 દિવસથી દારૂ મળવાના કિસ્સા સામે આવી રહ્યા છે. જેમાં એલસીબી, એસઓજી અને પેરોલ સ્ક્વોડ દ્વારા રોજ વિદેશી દારૂ ઝડપી પાડવામાં આવી રહ્યો છે. ત્યારે પોલીસે સીટી-સી ડિવિઝન વિસ્તારમાંથી વિદેશી દારૂ જંગી જથ્થા સાથે છોટા હાથી ઝડપી પાડ્યું હતું.

• જામનગરમાં દારૂનો જંગી જથ્થો ઝડપાયો
• છોટા હાથીનો ડ્રાઇવર થયો પલાયન
• છોટા હાથીમાંથી કુલ 1368 બોટલ દારૂ મળ્યો

જામનગર :જિલ્લાના તમામ પોલીસ સ્ટેશનમાં છેલ્લા 10 દિવસથી દારૂ મળવાના કિસ્સા સામે આવી રહ્યા છે. જેમાં એલસીબી, એસઓજી અને પેરોલ સ્ક્વોડ દ્વારા રોજ વિદેશી દારૂ ઝડપી પાડવામાં આવી રહ્યો છે.

શહેરના સિટી સી ડિવિઝન વિસ્તારમાંથી ઝડપાયો દારુ

જામનગર શહેરના સિટી સી ડિવિઝનના પોલીસ કર્મચારીઓને મળેલી બાતમીના આધારે ગુરૂવારે સવારે સીટી-સી ડિવિઝન વિસ્તારમાંથી વિદેશી દારૂ જંગી જથ્થા સાથે છોટા હાથી ઝડપી પાડ્યું હતું. જેમાં પોલીસે અંદાજિત રૂપિયા 6 લાખનો વિદેશી દારૂ ઝડપી પાડયો છે. છોટા હાથી સાથે કુલ 1368 વિદેશી દારૂની બોટલ મળી આવી છે. જોકે, છોટા હાથીનો ડ્રાઇવર વાહન છોડી પલાયન થઈ ગયો છે. પોલીસે તેની શોધખોળ શરૂ કરી છે.

અંદાજે રૂ.6 લાખનો દારૂ ઝડપાયો

હાલ પોલીસે છોટાહાથી ડ્રાઇવરને ઝડપી પાડવા માટે ચક્રો ગતિમાન કર્યા છે. મહત્વનું છે કે, હવે થર્ટી ફસ્ટને થોડા દિવસો બાકી છે. ત્યારે દારૂના ધંધાર્થીઓ શહેરમાં દારૂ ઘુસાડવા માટે અવનવા પ્લાન બનાવતા હોય છે અને વાહનો મારફતે શહેરમાં દારૂ ઘુસાડતા હોય છે.