મળતી માહીતી મુજબ જામ સાહેબના સમયમાં પ્રોટેક્શન દિવાલ ઉભી કરવામાં આવી હતી પરંતુ આ દિવાલ તોડી ત્યાં મીઠાના અગરો ઉભા કરવામાં આવ્યા હતા. લીઝ પુરી થઈ જતા પણ બિનઅધિકૃત રીતે આ અગરો ચલાવવામાં આવી રહ્યો હતો ત્યારે કાલાવડ ના ધારાસભ્ય પ્રવીણ મુછડીયા દ્વારા આક્ષેપો લગાડવામાં આવ્યા હતા.
બિનઅધિકૃત મીઠાના અગરોને લઈને ગ્રામજનોનો વિરોધ
આ અગરોના પાણી આસપાસના આવેલા ખેતીની જમીનમાં વહી જતા ખેતી લાયક જમીન બરબાદ થતા ગ્રામજનોમાં રોષ જોવા મળ્યો હતો. આ મીઠાના અગરના કારણે ખેતરમાં ખરાસ વાળુ પાણી જવાથી ખેતીની જમીનો બરબાદ થઈ રહી હતી તેવા ગ્રામજનો દ્વારા આક્ષેપો લગાડવામાં આવ્યા હતા.
