જામજોધપુર નજીક કોઝવેમાં 4 વ્યક્તિ તણાયા, 2ના મોત, 2ની શોધખોળ શરૂ

જામજોધપુર નજીક કોઝવેમાં ચાર વ્યક્તિ તણાયાની ઘટના સામે આવી હતી. સત્તાપરથી ઉદેપુર વચ્ચેના રસ્તા પર કોઝવેમાં ધસમસતા પ્રવાહમાં ચાર લોકો તણાયા હતા.

જામનગર: જામજોધપુર નજીક કોઝવેમાં ચાર વ્યક્તિ તણાયાની ઘટના સામે આવી હતી. જામજોધપુરના સત્તાપરથી ઉદેપુર વચ્ચેના રસ્તા પર કોઝવેમાં ધસમસતા પ્રવાહમાં ચાર લોકો તણાયા હતા.

જામજોધપુર નજીક કોઝવેમાં ચાર વ્યક્તિ તણાયા, બેના મોત જ્યારે બે બાળકોની શોધખોળ શરૂ

આ ઘટનામાં ભાઈ-બહેનનું પાણીના પ્રવાહમાં તણાઇ જવાથી મૃત્યુ થયું હતું. જ્યારે બે નાની બાળકીઓની શોધખોળ કરવામાં આવી રહી છે. સૂત્રોના જણાવ્યા અનુસાર, તમામ ચારે લોકોના મોત નિપજ્યા હતા.ઘટનાની જાણ થતા જામજોધપુર મામલતદાર સહિત પોલીસ કાફલો ઘટના સ્થળે પહોંચ્યો હતો અને ફાયર ટીમની મદદથી પાણીના પ્રવાહમાં તણાયેલી બંને બાળકીઓની શોધખોળ શરૂ કરવામાં આવી છે.