Veraval: નવ માસ પૂર્વે બિહારથી ગુમ થઇ યુવકનું પરિવાર સાથે મિલન, લાગણીસભર દ્રશ્‍યો સર્જાયા

બિહારના મધુબની જિલ્‍લાથી લાપતા બની નવ માસથી ભટકી રહેલો માનસિક અસ્થિર ( Mentally unstable ) 29 વર્ષીય યુવક સોમનાથ પહોંચી ગયો હતો. ત્‍યારે વેરાવળમાં ( Veraval ) કાર્યરત નિરાધારનો આધાર સંસ્‍થાએ યુવકના પરિવારજનોનો સોશિયલ મીડિયા થકી સંપર્ક કરી બોલાવ્યાં હતાં. યુવકનું પરિવાર સાથે મિલન ( Reunited with family ) થયું હતું.

• વેરાવળની સામાજિક સંસ્થાનું ઉમદા કાર્ય
• માનસિક અસ્થિર યુવકના પરિવાર સાથે મેળાપ કરાવ્યો
• નવ મહિનાથી રાખી રહ્યાં હતાં સારસંભાળ

ગીરસોમનાથઃ નવ માસ પૂર્વે બિહારથી ગુમ થઇ સોમનાથ પહોચેલા યુવકનો વેરાવળની ( Veraval ) સંસ્‍થાએ તેમના પરિવાર સાથે મિલન ( Reunited with family ) કરાવતા લાગણીસભર દ્રશ્‍યો સર્જાયાં હતાં. નવ મહિને પુત્રને મળતાં માતાની આંખોમાંથી હરખના આંસુ વહેવા લાગતાં લાગણીસભર દ્રશ્‍યો સર્જાયાં હતાં. વેરાવળની નિરાધારનો આધાર સંસ્‍થા નવ માસથી Mentally unstable બિહારી યુવકને આશરો આપી સારવાર કરાવી પરિવારની માફક સારસંભાળ રાખી રહ્યો હતો. સંસ્થાએ યુવકના ફોટો સોશિયલ મીડિયા દ્વારા પોસ્ટ કર્યાં હતાં જેને પગલે પરિવારમિલન શક્ય બન્યું હતું. પુત્રને મળતાં જ માતાની આંખોમાંથી વહેતાં આંસુઓથી સૌ કોઇ ભીંજાયાં હતાં.
સારવારથી સુધરી યુવકની હાલત
નિરાધારનો આધાર સંસ્‍થાના પ્રતિનિધિ ધ્રુવ સોલંકીએ જણાવ્યું કે બિહારના મઘુબની જિલ્‍લાના નારહિયા ગામમાં રહેતો 29 વર્ષીય રાજેશ રાય નામનો માનસિક અસ્‍થ‍િર ( Mentally unstable ) યુવાન નવેક માસ અગાઉ કોઇપણ સમયે પોતાના ઘરેથી ગુમ થયો હતો. બાદમાં માનસિક અસ્થિર યુવક રાજેશ સોમનાથ પહોંચી ગયો હતો. અહીં યાત્રાઘામમાં રખડી ભટકી રહેલો હોવાથી સંસ્‍થાને જાણ થતા અમો તેને અમારા ( Veraval ) હાઇવે પર ડોરી ટોલબુથ ખાતેના આશ્રમ ખાતે લઇ આવી આશરો આપ્યો હતો. યુવકની સારસંભાળ કરી પરિવારની માફક પ્રેમ, લાગણી અને હૂંફ આપવાની સાથે સારવાર કરાવવામાં આવી હતી. જેના પગલે યુવકની સ્‍થ‍િતિ સુધરી હતી.

સંસ્થાએ પરિવારની આવવાજવાની વ્યવસ્થા કરીવઘુમાં યુવકના પરિવારજનોની શોધખોળ માટે તેની તસ્‍વીર સાથેની પોસ્‍ટ સોશિયલ મીડિયામાં વાયરલ કરવાની સાથે પોલીસને પણ જાણ કરી હતી. દરમિ‍યાન તેમના પરિવારજનોનો સંપર્ક થયો હતો. ત્‍યારે યુવકના પરિવારજનોની આર્થિક પરિસ્‍થ‍િતિ સારી ન હોવાથી તેઓ અત્રે આવવા પણ સક્ષમ ન હતાં. જેથી તેમને અહી આવવા અને પરત અહીથી પુત્ર સાથે જવાની વ્‍યવસ્‍થા કરી દીધી હતી. જેના પગલે ગઇકાલે રાજેશની માતા સહિતના પરિવારજનો વેરાવળ ( Veraval ) આવી સંસ્‍થાના આશ્રમ ખાતે ( Reunited with family ) પહોચ્‍યા હતાં. આ અસ્‍થ‍િર મગજનો યુવક રાજેશ ત્રણ દીકરીનો પિતા હોવાનું પરિવારજનો પાસેથી સંસ્‍થાને જાણવા મળેલ હતું.આશ્રમમાં હાલ 70 બિનવારસી લોકોને આશરો મળી રહ્યો છે "માનવસેવા એ જ પ્રભુસેવા" ને સાર્થક કરતી વેરાવળની નિરાધારનો આધાર સંસ્થા સોમનાથ શહેરમાં રસ્તા પર રખડતા ભટકતા બિનવારસી લોકોને આશ્રમમાં લાવી સારસંભાળ કરી પરિવારની જેમ પ્રેમ અને હૂંફ આપવાનું પ્રેરક કાર્ય કરે છે. હાલ સંસ્‍થાના આશ્રમમાં આવા 70 બિનવારસી લોકો છે. આ લોકોના પરિવારજનોની શોધખોળ કરવા સંસ્‍થા પોલીસ અને સોશિયલ મીડિયાના સહારે સક્રિય કામગીરી કરે છે.

આ પણ વાંચોઃ ઉત્તર પ્રદેશથી દોઢ વર્ષ પૂર્વે ગુમ થયેલા વૃદ્ધનું સોમનાથની સંસ્‍થાએ પરિવાર સાથે મિલન કરાવ્‍યું

આ પણ વાંચોઃ Reunited with family: વેરાવળમાં અસ્‍થ‍િર મગજના યુવકની સારવાર, મધ્યપ્રદેશના પરિવાર સાથે પુનઃમિલન