કોરોનાના લોકડાઉન વચ્ચે જોવા મળી ઘાયલ પોલીસ કર્મીની કર્મનિષ્ઠા

ગીરસોમનાથ પોલીસના જવાને ફરજને જ ધર્મ માન્યો હતો. કોરોના લોકડાઉન સમયે ડ્યૂટી પરથી પરત ફરતા સમયે પોલીસ જવાન અકસ્માતને ભેટ્યો હતો. બાઇક અકસ્માતમાં હાથમાં ફેક્ચર થતાં પ્લાસ્ટરનો પાટો આવ્યો હતો. જ્યારે ડોક્ટરે અને પોલીસ અધીકારીએ આરામ કરવા રજા આપવા છત્તાં કોરોના સમયે બંદોબસ્તમાં ફરજ બજાવવાનું આ પોલીસ કર્મીએ વધુ જરૂરી માન્યું.

ગીરસોમનાથઃ જિલ્લા પોલીસમાં ફરજ બજાવતા ભુપત પરમાર નામના પોલીસ જવાનને બે દીવસ પહેલા બાઈક અકસ્માત નડતાં શરીરમાં મુંઢ ઈજા સાથે હાથમાં ફેક્ચર થયું હતું, પ્લાસ્ટર લગાવ્યા બાદ ડોક્ટરે તેમજ પોલીસ અધીકારીઓએ મેડીકલ રજા પર જવા મંજૂરી આપી હતી.

કોરોનાના લોકડાઉન વચ્ચે જોવા મળી ઘાયલ પોલીસ કર્મીની કર્મનિષ્ઠા

પરંતુ ભુપતભાઇએ આ કોરોનાના બંદોબસ્તમાંથી રજા પર જવાના બદલે ચેકપોસ્ટ પર પોતાની ફરજ બજાવવાનું ઊચીત માન્યું છે, જેને લઈ ચેકપોસ્ટ પર પસાર થનારા તેને ગુલાબનું ફુલ આપી સ્વસ્થતાની શુભ કામના પાઠવતાં નજરે પડે છે.

કોરોનાના લોકડાઉન વચ્ચે જોવા મળી ઘાયલ પોલીસ કર્મીની કર્મનિષ્ઠા

ત્યારે ગીરસોમનાથ નાયબ પોલીસ અધિક્ષકે જણાવ્યું હતું કે, "વેરાવળ સીટી પોલીસમાં ફરજ બજાવતા ભુપત પરમાર નામના હેડ કોન્સ્ટેબલને અસ્માત થતાં તેના હાથમાં પ્લાસ્ટરનો પાટો છે છતા તેને રજા પર જવાનું કહેવામાં આવ્યું હતુ પરંતુ આ સ્થિતિમાં પણ ફરજ બજાવી અને કર્મનીષ્ઠાનું ઊદાહરણ પુરૂ પાડી રહ્યા છે."