રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તારીખ 27 જુન 2019ના રોજ સવારે 6 કલાકે પુરા થતાં 24 કલાક દરમિયાન 70 તાલુકાઓમાં ઝાપટાથી 3 ઇંચ સુધીનો વરસાદ વરસ્યો હતો. જેમાં બે ઇંચથી વધુ વરસાદ વરસ્યો હોય તેવા 6 તાલુકાઓનો સમાવેશ થાય છે. અમરેલી જિલ્લાના બગસરા તાલુકામાં 70 મી.મી., ગીર સોમનાથના ઉનામાં અને ભાવનગરના પાલીતાણામાં 60 મી.મી., અમરેલીના સાવરકુંડલામાં 54 મી.મી. અને રાજકોટના ગોંડલમાં 51 મી.મી. વરસાદ વરસ્યો હતો.
રાજ્યના 9 તાલુકાઓમાં 2 ઇંચથી ઓછો અને 1 ઇંચથી વધુ વરસાદ વરસ્યો હતો. જેમાં અમરેલીના બાબરામાં 42 મી.મી., ડાંગના વઘઇમાં 41 મી.મી., જૂનાગઢના વિસાવદરમાં 40 મી.મી., દાહોદના ધાનપુરમાં અને સુરતના ઉમરપાડામાં 39 મી.મી., મહેસાણાના બેચરાજીમાં 38 મી.મી., સાબરકાંઠાના પોશીનામાં અને વડોદરાના ડભોઇમાં 30 મી.મી., જામનગરના કાલાવાડમાં 27 મી.મી. અને લાલપુર તાલુકામાં 24 મી.મી. વરસાદ વરસ્યો હતો.
